Skip to content

東.思

請不必傷痛 請不必心酸 請把我默默思念

假如要我作一個潮語, 我諗我將一D人鍾意詞不達意, 九唔搭八但語出驚人的人, 統統被形容為BARBIE. 而當佢地亂講野的時候, 我就會叫佢地你唔好咁BARBIE好喎! 唔明點解? 因為新鮮出爐的落選港姐+亞姐"寸咀BARBIE"廖祉甯, 成日都九唔搭八但語出驚人! 唔係形容得貼切咩? 唔信我呀? 比幾個事例大家睇, 咁你就會信!

假如BARBIE姐知道自已成為潮話, 又會點回應呢?

事例1, 亞姐初見傳媒介紹自已時…

BARBIE姐係自我介紹時突然搬出伊索寓言「龜兔賽跑」侃侃而談,認為兔驕傲並無不對,反而墨守成規不正確,她自言要是做龜不跟兔賽跑而鬥游泳,玩突出之餘,暗喻自己「寸嘴」無罪,向傳媒駁嘴有理。當記者方訪問佢, 問佢是否覺得伊索的寓言不對?佢答,
我絕對冇講過,只係唔適合現今社會,社會係冇真正公平,我亦唔係驕傲係自戀啫
之後記者問點解缺席複試,「Barbie姐」一時又謂自己突發性心臟病,強調記者不信可到伊院查紀錄,一時又說是突發性心肌發炎. 咁記者咪佢你受唔受到比賽的刺激? 佢答,
笨豬跳唔得,海盜船就得。

我認為, 可能社會未必真係好公平, 但係BARBIE姐自戀成咁… 一定覺得世界對佢超哈公平啦! 同埋笨豬跳, 海盜船同宣佈結果都應該會刺激個心, 有病就唔會/好玩啦!

事例2, 宣傳亞記新劇後接受記者訪問!

記者發現她當日大髀有瘀傷, 佢就話,
我屋企人覺得我就嚟紅,就算打跛隻腳唔使憂,所以我要去學定跌打!
佢咁講野, 當然嚇到全場人O咀啦! 於是, 記者繼續問做乜事啦! 佢答,
呢個係最新嘅紋身,仲捽得甩架!

我認為, 佢應該同愛人玩得太肉緊, 連自己瘀左都唔知但又死要臉! 一定係咁, 佢先可以咁得咁誇!

事例3, 如何回應佢落選的時候!

當記者問佢, 你落選喎, 是否滿意賽果呢? 佢答,
我不知幾開心,我黑面係經常嘅,因為心情可以喺兩秒間轉變。
記者再問, 咁好戲唔去做演員? 佢答,
都有試過鏡,可能啲角色唔啱,如果能夠度身訂造就好嘞,希望有導演可以提攜吓小妹。

我認為, 假如我係導演, 我寧願比機會阿蔡楓華或者藍小姐, 起碼都叫紅過下, 有人識! BARBIE姐, 你係邊位呀? 世界D人真係識係老鼠!

好啦好啦… 相信大家要點樣apply呢句你唔好咁BARBIE好喎!都唔駛再多講啦! 係咪?

廣告

尋日同大家睇過1-12號的佳麗後, 今日繼續睇埋13-24號的佳麗吧!

13 周玉霞 (三藩市)
有D似08年的落選港姐姚婷芝, 但好平凡下喎! 命運應該同姚婷芝一樣!

14 王佩芷 (西雅圖)
好typical的ABC, 或者係LKF成日見到個款. 但係一拼埋其他佳麗, 除左好大個口外, 仲好有落選格!

15 葉佳慈 (新加坡)
第一眼覺得佢同2R個Race好似樣, 幾係我杯茶. 但係未別係TVB想要個type囉, 情況真係五五波.

16 陸曼 (悉尼)
另一位唔知係咪搭時光機來現代參選的佳麗, 假如決賽個theme係古裝應該有機! 但時裝就好… 唔知想點!

17 鍾梓尤 (大溪地)
大家都知官恩娜係來自大溪地, 人靚聲甜. 但佢個同鄉就同佢爭成9條街, 所以慢慢跑啦… 跑跑下就會見到終點架啦!

18 張慧雯 (多倫多)
家鄉舊年有個苟姑娘順利奪冠, 而今年的張小姐講真已經叫做質高可捧了! 聽講仲係講流利廣東話添, 仲唔係TVB眼中的三甲之材?

19 岑麗香 (溫哥華)
認真講, 睇唔真佢係乜樣. 單憑呢張相, 有D似廖碧兒MIX張嘉兒! 何況加西的女仔多數都係靚D, 所以今年要再入3甲係冇問題的. (我估!)

20 方蘭 (河北)
內地佳麗之中, 我認為最靚, 最在狀態的佳麗! 我心中不能錯失的top 5…

21 李曼姿 (廣州)
好似JJ賈曉晨, 應該係宅男最受. 但我就覺得不過不失咁囉!

22 劉婕 (河南)
咁似TVB D2打6咁(O既)?? 好普通下, 或者身材可以補救到掛?

23 劉雅婷 (江西)
4個字, 不易突圍! Period.

24 楊逸歐 (廣東)
幾可愛囉, 但係通常cute cute地的女仔都好似好少跑出! 祝君好運啦!

其實今年水準都只係中中挺挺, 冇乜邊個會令人有特別深刻的印象! 要係一班咁平均的佳麗選冠亞季, 真係辛苦晒班評判了! 不過, 呢D都只係我憑一張相所得出的睇法. 或者到決賽當晚會有唔同呢! 還是放長雙眼, 睇下我準唔準?

根據過去傳統, 國際中華小姐(前身國際華裔小姐)都係年頭近農曆年前舉行. 今年唔知因為何事, 推到今時今日先舉行, 甚至講係無聲無色的進行! 既然係咁, 無記有冇諗過將呢個所謂國際性選美摺埋呢? 試想想下連近年的港姐選完都唔似以前咁多人識, 更何況華姐? Anyway, 既然將會選, 又分享下我對呢24位佳麗的睇法呢!

01 張滿 (奧克蘭)
叫阿滿的女子對我特別有親切感, 已經加左分! 而且外觀不俗, 實屬有機分子! 假如決賽個theme係古裝, 跑出機會係百分百!

02 陳心慰 (阿姆斯特丹)
4個字, 普普通通!

03 丁文冰 (曼谷)
幾ok喎! 報紙話佢係A貨原子鏸. 雖然依家唔係好覺, 但係望落去夠健康順眼!

04 林晨諭 (芝加哥)
點講呢? 好似好好營養同埋佢係咪係唐朝坐時光機來的嗎?

05 白鷺 (佛山)
曾經見過佢當選珠江小姐時的相片, 覺得佢好sharp好靚! 但來到今天好似有D跌watt喎, 或者到決賽時先會知佢係咪咁掂!

06 陳庭欣 (香港)
同選港姐時一樣, 毫無好感! 但佢有本事令我係決賽時, 對佢態度有180度轉變, 唔知今次又會唔會呢?

07 陳美妤 (吉隆坡)
除左唔鍾意佢塊面太圓之外, 其實本身質地都叫做中上! 不容忽視!

08 李若瀅 (澳門)
選澳姐個陣就覺得好sharp, 但來到華姐就… 平凡得很! 真可惜!

09 李璇璇 (馬尼拉)
點解佢個樣好似訓唔醒咁(O既)? 多數係陪跑居多!

10 王美艷 (墨爾本)
雖然未去到人如其名, 一樣咁美艷! 但係not bad喎! 都有機會叫做隨時彈出!

11 陳美詩 (蒙特利爾)
無論名字, 樣貌都係可以令我忘記佢的存在!

12 張聖女 (紐約)
個名好特別, 但係真人就令我係腦海中隨即諗起"好娘囉"! 應該係爭勝無望之輩!

今日講住咁多先, 明天繼續!

自問, 我真係好少聽新歌! 但關心妍的呢首收錄係佢婚後回歸樂壇的新歌, 的確幾引起我的注意! 睇完個MV可能就會明點解!

大家唔知有冇留意到當佢唱到chorus… 即係以下呢幾句…

未明白麼 在乎什麼 敗在什麼

的時候, 係特別出事! 有D硬耳, 及好似有點走音喎! 既然楊千嬅係錄完回歸華星的第一砲飲酒思源後, 發現疑似走音而重新再錄新版飲酒思源2.0! 那麼關小姐或佢唱片公司會唔會發現到呢個問題, 而又肯重新灌錄一個新版呢? 好讓樂迷聽得舒服D呢? 話晒唱呢類型歌都係關小姐強項呀, 無謂成為佢係樂壇的一個遺憾呀!

諗諗佢呀, 唔該!

跟友人食飯時,佢趁我食野途中,替我做了一個卡通樣!當佢send左個完成品後,我即時笑到七個一皮!點解?睇完咪知囉!

因為我點解無啦啦同陳奐仁咁似呀?仲可以咁可愛?真係多謝R生咁有同情心,將我呢個醜男變成個cutie呀!

記得以前讀中學時,放學會經過一間雪糕屋主打frozen yogurt. 夏天多數都會花二蚊加幣買返杯食下,當時就覺得好滿足!自從返左香港後,真係好少見到有froxen yogurt, 多數係雪糕,所以真係幾懷念那種唔係太甜又唔係太膩的質感及享受。一心以為只可以係楓葉國先食到的東西,今日都可以係香港食到了!

行經禮頓道時,被我發現了這家主打frozen yogurt的YOGO! 於是我亳不猶疑走進去,只需要幾個step就可以食到,幾方便!首先,從四款口味揀選一種,有原味、綠茶、士多啤梨及荔枝。再喺多種配料中挑選心水,可以係生果,也可係朱古力、粟米片、熊仔糖等!重點係unlimited choice. 最後上磅,埋單!咁就可以enjoy the yogurt!

我今次就簡左原味配以粟米片、熊仔糖、菠蘿、蒟蒻、士多啤梨同dark chocolate chip. 盛為28元正!

用28元就可以讓我忘記日間所有煩惱,心情回復正常,實在好抵!有機會的不妨試下,可況yougrt係唔會食肥人㗎!hehehehe……

對於一個不屬於美容界,但被邀請出席香港國際美容師協會的雙週年晚會,本人實屬榮幸。能夠被邀出席,都係多得郭姐!除左因為佢係該會的主席(仲要係最後一次以主席身份喎!),更因為佢係該晚會的司儀。身為好友,點都要支持下啦!

機本上, 呢個晚會同一般婚宴一樣! 睇菜單就知啦!

當晚除左係一個bi-annual dinner外, 亦係一個就職活動. 講真, 唔係業內人仕的我真係提不起一點興趣, 所以對於演講者的幾分鐘speech真的毫無印象. 唯一記得的就係第一位致詞嘉賓係一位前亞姐, 好似同葉玉卿同屆的潘先儀! 係又未開席及聆聽各位的演詞之際, 我除左拍掌外, 玩我部I Phone就係唯一方法令我無咁悶的方法! 席間的白姐妹就介紹我玩一個新Apps, Restaurant Story. 雖然白姐妹只係大概咁話比我聽個game係點玩, 但我未有花大多心力去玩, 因為係whatsapp入面係咁有人同我chat! 所以, 遲下我先慢慢玩!

那些儀式大致完成後, 都未可以開席喎, 因為司儀話會即時進行抽table gift的環節! 檯上一共有7份禮物由12個人一齊抽, 我又係無乜expectation底下 (唔多唔少都因為我冇抽獎命!), 居然中左獎喎! 就係…

大家估到這是什麼嗎? 去得同美容有關的晚宴, 當然份禮物係同扮靚有關啦! 答案就係一支生眉液! 我第一個反應係有乜用架? 同埋用完對眉會唔會變到苦榮咁粗架? 不過, 無所謂啦! 都係一種luck! 或者去到大抽獎時, 可能會打破冇抽獎運的宿命呢! 當然, 到最後都係乜都抽唔到啦!

抽完table gift, 終於有得食! 食食下就有一D表演睇下, 包括唱歌跳舞! 氣氛亦係郭姐的帶動底下先冇咁悶! 但係我有個疑問, 明明有2個MC, 而郭姐又事先同我講佢會少D出聲架? 點解成晚佢個partner除左開頭出過聲外, 其餘時間好像隱形咁(口既)! 莫非佢一杯即醉? 但不得不讚下我位老友, 造型扮相美麗外, 做司儀都幾有台形喎! 唔知第日我結婚, 搵佢做MC會唔會托我手爭呢?

到散場先搵到佢同我影張合照! 真係辛苦你啦! Anyway, 個party又玩得幾開心呀! 有得食, 又有禮物收, 仲可以比機會自己著下靚衫! 一次過滿足3個願望, 仲開心過食Kinder 出奇蛋! 所以郭姐你唔好咁客氣啦, 其實係我多謝你先真!