Skip to content

東.思

請不必傷痛 請不必心酸 請把我默默思念

Category Archives: 談情說愛

當年同阿Y一齊回流香港, 但佢N年前決定返老家開始, 我們便較少聯絡. 話雖如此, 但只要我地在一起, 就會好似當年一樣, 2個瘋少在青山放出來一樣! 幸好佢由於工作關係, 有唔少機會係香港; 只不過唔係佢每次返來都可以見佢一面. 就好似對上一次見佢, 已經係一年前的事了! 假如沒有叫佢幫手, 從老家帶回東西給我, 真係唔知幾時再見! 既然佢係香港, 又要比D野我, 我又點可以錯過同佢聚舊的機會呢!

在飯局的2小時內, 我們無所不談! 從我們近況, 各自在香港/多倫多的生活, 共同的朋友等… 都可以傾餐飽! 當然, 我的感情生活亦係今晚個agenda上啦. 而我亦不厭其煩咁, 由08年尾, 09年頭到今時今日所發生我事, 一五一十的講過清楚! 雖然都係個topic係好悶, 但佢今晚就用左一個幾interesting的故仔, 鼓勵我唔好放棄! 就係圓形的故事!

就當香港所有的人都活係一個圓形, 男女各佔一半. 撇除已結婚及老人小孩等, “single and available"就好似剩低1/8. (ie. 我) 但別忘記, 再撇除gay/les的(假設都係一半, 即1/16), 不適合我年紀後, 其實真正single and available的就只剩下1/32. 假如再加上我的個人喜好, 例如都係外國回流或略懂英語(最起碼知道我個名KHRES點讀的), 能夠合適我的就只有1/128. 聽到呢到, 我真係想叫佢收聲, 唔好再打沉我的信心! 但佢就補左句, 其實你以為好絕望, 但你簡人時人簡你, 所以其實我都係好矜貴! 所以別放棄, 只要有一日我仲活係地球上, 又駛乜驚我會繼續做個孤單的人孤單的我!

聽佢咁講又係喎, 只因只要地球還有人類, 戀愛定必極近!

但我又唔可以乜都唔做, 所以… 我應該繼續努力尋找我的另一半! 例如, 有空就多D外出social, keep下自己的外觀, self upgrade下, 相信機會點都高過中六合彩掛! Anyway, 今晚訓醒後, 我應該第一時間對住塊鏡同自己講, 我仲有希望的! _

順便同阿Y講, 你的建議我會好好考慮下的; 同埋希望下次見到你, 唔會係三個月後BL的婚宴上, 而係12月啦! 因為你好耐都冇同我過生日了!

正當份份報紙都係度講緊W小姐敗訢, 有婚結不得之時. 我卻想愛沒有情之際, 忽然腦海就不斷重播梅姐的情歸何處. 真係不知何解!

歌詞雖然形容女性比較貼切, 但係某程度上, 都好配合我今日的思想及日後的事業及個人感情的方向! 怪不得, 怪不得我係咁諗起呢首歌啦! 不過, 明知係好難, 會令人氣餒, 但都要繼續努力! 因為我知我係可以的! 為自己加油!

最近睇到一篇文章, 內容熟口熟面, 彷彿係照住我朋友來寫一樣! 故事大概係一個男人跟一個比自己強的女人談戀愛, 一起生活超過十年, 一直沒有太大問題! 直到最近, 女方經常因為小事遷怒於男方, 男方初時都會去忍! 但佢始終都係一個人, 容忍去到一個頂點後, 他便開始認為女方無理取鬧! 甚至四出去問他身邊的朋友, 他應如何改變佢?

至於他所得到的回應, 都一致認為女方一直以來都認定自己在各方面都比男方強, 經過多年的相處, 更自覺佢可以食住個男人! 原因係個女人已經將最黃金的十年比左個男人, 因她深信他就是一個可以讓她安心共渡餘生, 生兒育女的理想對像! 只可惜隨著時間的流逝, 彼此都了解對方更多以後, 女的才發現大家有著太大的距離, 於是不安於現狀! 她的不安就是來自她對男方有很多的不滿, 而男的又未有及時發現, 又未有醒目地作出改善! 因此, 她便肆無忌憚的責罵對方, 希望此舉會令對方去為這段關係do something, 更係給對方一個最後通諜! 只可惜男方的朋友完全一致認為這段關係應該早早的game over, 因為他們認為女方是一個難以相處的人! 與其他要愛得這樣辛苦, 倒不如早點結朿, 說不定他可以找到一位更匹配的女子哦! 到最後, 他發覺朋友的話都不是完全沒道理, 最後大家選擇和平分手!

雖然故事主人翁最終要分手收場, 但現實生活中的朋友, 他們仍然努力嘗試去挽救這段感情! 不管他們用什麼方法, 我都在此衷心祝福他們能夠跨越這些困難, 情花早日開花結果!

跟一個幾個月冇見的朋友飯聚, 少不了閒話家常, 身邊發生的一切事和物都會任傾任講. 上至工作, 家庭, 下至感情生活等… 可惜, 這位朋友用了一個極平靜的方式告訴我, 她與她感情要好的男友分手了, 原因係佢頂唔住身邊人的缺點及身邊朋友所給她的壓力. 最後, 她選擇離開了與這男人共同建立的家! 聽完以後, 我只能用可惜來形容, 因為我相信以我朋友的性格, 很難會再找到一個比此男生更好的人.

係見佢之前, 我以為佢會喊! 始終人非草木, 五年的感情如忘落幕, 大家一起經歷過很多東西, 一同生活, 一同共富貴患難等… 總會有些不捨吧! 要發泄, 除了搵朋友傾訴外, 我想哭也是正常的. 但平生最怕見到女人喊, 因為見到女人為開心的事而喊, 真的不會佔大多數! 所以正常男人如我, 真的遇上女人哭, 除了安慰她們不要哭外, 之後便不知所措! 就算再花多少力氣, 只會怕把事情弄巧反拙, 結果令佢哭得更厲害! 或者我怕她動不動就喊, 見到一些事情和景物就會想起以前的一切; 哭聲令我感到討厭和憤怒, 繼而上演一場鬧市罵人事件. 所以見佢之前, 我不斷提醒自己小心說話, 怕會因為我的無心失言, 觸動了她的神經!

幸好, 當的見到佢的時候, 她的情緒精神跟平常差不多, 說話不溫不火, 未有太大的負面情緒. 只在言談間會流露出一些不捨之情, 和她仍未習慣現在回復單身的生活等. 她還不時提醒我, 多點找她出來食飯行街等, 因為她深知自己現在需要朋友的支持才樣她有力量面對現在的處境. 當然我亦想跟她說, 妳不是那種係男人執到都會喊三聲的女人(即大使的女人或是心地唔好的人), 只係對自己和別人都有很高的要求. 只要你努力的愛自己, 放膽的面對現在, 不要想太多無謂或不會發生的事; 多些去擴闊自已的社交圈子, 便會明白這位男朋友是不是一個你值得跟你一生一世的人了(或心甘情願的接受他的所有優點及缺點)! 不論你最後的選擇是什麼, 我都會尊重及祝福你的決定! 加油!

知妳由發育時期開始, 都未試過沒有男友在身邊的日子, 所以好她享受一下單身的悠長假期吧!

除左傳統的二月十四情人節外, 你又會唔會慶祝其他情人節呢?  就好似三月十四的白色情人節, 中國元宵節, 或舊歷7月7的七夕情人節呢?  如果唔係郭姐同我講, 佢會去個short trip, 慶祝七夕同埋睇到以下的文章.  我都唔知今日就係七夕情人節, 我真係out dated!  大家先睇下以下轉載至蘋果日報的文章!
 
文章1

每到七夕節情人節前夕,台灣團體總會提醒青少年安全性行為,記得帶備安全套,今天一項調查卻發現,情人節約會必備的隨身小物,香口膠竟然勝過避孕套。

調查表示,在情人節約會不可或缺隨身小物的問題中,有 6成回答「香口膠」,而回答「保險套或避孕用品」者只有 4成。

調查發現,情人不僅約會前嚼香口膠,保持口氣清新,用餐後也怕蔥蒜等食物氣味破壞情人夜浪漫氣氛,所以在餐後、親密行為前,也嚼香口膠消除口氣。

對我嚟講兩樣都咁重要, 香口膠代表你對對方尊重, 亦尊重這個約會!  至於安全套, 唔駛講都知啦, 係一個負責任的表現外, 更加係一個表現到你能保護對方的行為!  所以我覺得香囗膠與安全套, 都係大時大節中缺一不可的隨身用品!

文章2

七夕將至,不少情侶都會趁機到汽車旅館溫馨。台灣有醫生提醒民眾,男女交歡時動作不要太激烈,一旦陰莖扭傷要盡快求醫,延誤求醫後果可能很嚴重,隨時會引致不舉。

台北萬芳醫院泌尿科主治醫師溫玉清表示,早前醫院收治一名男病人,他與妻子以女上男下體位作愛,疑其妻用力過猛或身軀過度後仰,突然聽到「啪」一聲,男子陰莖劇痛、扭曲變形,而且尿道口流血。男子雖然十分疼痛,但卻因不好意思,當下竟決定強忍痛楚,照常上班去。至晚上痛到無法忍受,才到醫院就診,經治療後幸好沒有傷及性功能。

溫玉清續稱,根據臨床觀察,女上男下、面對面是最易造成陰莖斷裂,建議要採上述體位時,情侶可別太忘情、猛烈,一旦受傷,務必在 48小時內求醫,以免日後不舉.

投入係好, 但都要以保護自己為大前題!  但男仕們, 請別讓女仕們感覺到交歡像煎魚哦!  當然有新意定能給于對方無限剌激, 只怕在一段話長唔長, 話短唔短的時間內, 款式太多的出現會令對方吃不消!  所以除了保護自己, 別要自私獨食才能帶給對方開心浪漫的一夜傾情.  唔係就棧掃興, 不歡而散!  你想個結局係點?  自己動動腦袋吧!

假如大家會慶祝的話, 就祝大家七夕快樂!  假如唔會的話, 咁就have a nice day啦! 

今日食飯之後,見時間尚早就走去飲杯咖啡,於是去到中環某P記咖啡室買杯啡,坐下!點知當我坐低之後,發現坐係我旁邊的一男一女,神情怪異,男的似有好多說話想講,但講不出口。女的雙眼通紅,眼部化妝全部溶掉,亦都係有好多說話想講,但眼淚係咁流,想講都講唔出口。呢個時候,女的開口…

女:你同佢開始左幾耐?

男:已經唔重要,我只希望你能夠接受!

女:點可以接受呀?你同我個friend一齊喎!

男:(無言)我地冷靜下先,齋坐係度都解決唔到…

女:分就分!我會搬返屋企,我d野會再約你攞返。

於是,女的就離開了!男的就繼續呆在當場,到我走佢都像個蠟像般坐係到!到底佢係好後悔同佢女友分手,或是什麼我就不得而知…

雖然我係個男人,但我今次都唔幫男人,因為一切表面證據都係個男人不利,而且似係個男人衰鹹濕!係囉,大部份男人都係唔可靠的,女人還是自強吧!對於那位女子,我絕對支持你!

每朝都林海峰, 貪佢講夠好笑, 令我有充足的正能量去面對足以令我發瘋的工作天. 今日亦都唔例外, 但係佢今朝問左個問題. 就係如果你係單身, 係以下三個女人當中, 你會簡邊位呢? (唔知係咪睇完港姐呢? 條問題咁似比d佳麗答咁! Em…我應該諗多左…)

A. 李巧珍

B. 陳碧華

C. Amina

老實講,如果世上死剩呢3個女人,咁我寧願單身一世! 但真係要我簡,我諗…我—定唔簡阿珍! 因為我食唔到一個惡女人, 更加唔想比一個惡女人食足一世! 兩個人相愛當然互相尊重係重要, 如果因為大家意見分歧就大吵大罵, 有佢講冇人講, 呢種關係真係無意思的! 再者, 一個連三九唔識七的遊客都因為冇乜購物而俾佢鬧到好似殺左佢雙親咁, 嘩… 如果佢個枕邊人唔買野俾佢, 後果肯定不堪設想. 由於我仲想活多幾年, 所以會say no!

我亦都唔會簡Amina, 並不是我歧視"病人"或者對"病人"冇愛心. 雖然話打者愛也, 但係我真係唔想被人痛愛囉! 試問係—段關係入面, 吵鬧係小不了的? 如若這些吵鬧會引身到打的話, 我真係接受唔到囉! 小學都有教啦, 人類係一個社群, 要相親相愛咁先夠高等! 仲有飲酒係正常社交, 正所謂酒品好, 人品自然好! 沒有高等的修養而且飲完酒就當街大叫同摑人, 判左都面露微笑, 悔意有幾多? 心照啦! 既然係咁, 放棄係一個好選擇!

係冇其他的選擇下, 華姐就係我的最後答案. 比你又會點簡呢?