Skip to content

東.思

請不必傷痛 請不必心酸 請把我默默思念

Category Archives: 自己煮

自從係楓葉國回港後,我甚少在家下煮。就算要煮,都係煲下湯、煲下粥或者煮碗米粉。名乎其實係一個無飯家庭! 今晚唔知做乜,放左工買餸返屋企煮飯食喎!相信遠在加國的媽媽,近在紅磡的姑姐或者天上的袓母應該會非常高興。

至於今晚食乜餸? 立即開估!

image

就係呢碗番茄薯仔牛肉飯了! 材料非常簡單, 番茄2個, 薯仔洋蔥各1個, 20蚊碎牛, 加1包清雞湯! 將番茄薯仔洋蔥切碎, 然後將所有東西落鑊, 不出20分鐘就食得! 幾方便!

講開呢個餸,就真係有好多回憶啦! 細個7婆成日煮比我食架, 因為只有呢樣野會令我胃口大開, 而唔會含住啖飯唔肯吞落肚! 仲有呀, 7婆臨走之前, 都係煮呢樣野我食架! 到我去左加拿大之後, 阿媽第一樣教我煮的都係呢個餸。 大大話話, 我都煮左呢個餸有N咁多次, 連老豆都特別request我煮呢個餸! 相信番茄薯仔牛肉飯都係我的一個代表作啦, 但係我點都覺得我冇7婆煮得咁好食! 點解呢? 點都好啦,我呢個二少好掛住你呀!

廣告