Skip to content

東.思

請不必傷痛 請不必心酸 請把我默默思念

Category Archives: 胡思亂想

見到個標題, 你好有可態係個心度講, 關你乜事? 甚至關你乜X野事? 但如果你睇到以下來自報導, 你就會明!

From 蘋果動新聞, (Nov 7, 12:29)

「你對自己的性生活是否滿意?」這條題目沒有色情成份,因為是四川省昨日舉行公務員考試的題目。

這次公務員考試期有 1,921,238人爭奪 8,000多個崗位,考生們憶述這次共有 399條是非,其中有約 6-7條題目,關於性的問題,不少考生都大惑不解,質疑性生活滿足與否,與當公務員之職有何關係。

有考生就估計,這應是用來測謊,因為全卷 400題要在 1小時內答完,根本沒有餘時間思量,這些另類問題就是要看是否有講大話。

假如我是那些考生, 我諗我會咁答!

我對我的性生活很不滿意, 因為我時常感覺到我就像自己跟自己結了婚一樣! 一段健康正常的婚姻, 有2個人的性生活才能稱得上完整! 試問每晚都是自己和自己洞房的性生活, 又甚能讓我滿意呢? 我還是努力地工作, 或許我能找到更大的滿足感吧!

難度依家想搵份工做, 除左你要有能力, 才華, 個性, 懂得如何隨機應變外, 還需要這麼毫無保留的將自己最私隱的一面表現出來?
還是世界變了??

廣告

假如要我作一個潮語, 我諗我將一D人鍾意詞不達意, 九唔搭八但語出驚人的人, 統統被形容為BARBIE. 而當佢地亂講野的時候, 我就會叫佢地你唔好咁BARBIE好喎! 唔明點解? 因為新鮮出爐的落選港姐+亞姐"寸咀BARBIE"廖祉甯, 成日都九唔搭八但語出驚人! 唔係形容得貼切咩? 唔信我呀? 比幾個事例大家睇, 咁你就會信!

假如BARBIE姐知道自已成為潮話, 又會點回應呢?

事例1, 亞姐初見傳媒介紹自已時…

BARBIE姐係自我介紹時突然搬出伊索寓言「龜兔賽跑」侃侃而談,認為兔驕傲並無不對,反而墨守成規不正確,她自言要是做龜不跟兔賽跑而鬥游泳,玩突出之餘,暗喻自己「寸嘴」無罪,向傳媒駁嘴有理。當記者方訪問佢, 問佢是否覺得伊索的寓言不對?佢答,
我絕對冇講過,只係唔適合現今社會,社會係冇真正公平,我亦唔係驕傲係自戀啫
之後記者問點解缺席複試,「Barbie姐」一時又謂自己突發性心臟病,強調記者不信可到伊院查紀錄,一時又說是突發性心肌發炎. 咁記者咪佢你受唔受到比賽的刺激? 佢答,
笨豬跳唔得,海盜船就得。

我認為, 可能社會未必真係好公平, 但係BARBIE姐自戀成咁… 一定覺得世界對佢超哈公平啦! 同埋笨豬跳, 海盜船同宣佈結果都應該會刺激個心, 有病就唔會/好玩啦!

事例2, 宣傳亞記新劇後接受記者訪問!

記者發現她當日大髀有瘀傷, 佢就話,
我屋企人覺得我就嚟紅,就算打跛隻腳唔使憂,所以我要去學定跌打!
佢咁講野, 當然嚇到全場人O咀啦! 於是, 記者繼續問做乜事啦! 佢答,
呢個係最新嘅紋身,仲捽得甩架!

我認為, 佢應該同愛人玩得太肉緊, 連自己瘀左都唔知但又死要臉! 一定係咁, 佢先可以咁得咁誇!

事例3, 如何回應佢落選的時候!

當記者問佢, 你落選喎, 是否滿意賽果呢? 佢答,
我不知幾開心,我黑面係經常嘅,因為心情可以喺兩秒間轉變。
記者再問, 咁好戲唔去做演員? 佢答,
都有試過鏡,可能啲角色唔啱,如果能夠度身訂造就好嘞,希望有導演可以提攜吓小妹。

我認為, 假如我係導演, 我寧願比機會阿蔡楓華或者藍小姐, 起碼都叫紅過下, 有人識! BARBIE姐, 你係邊位呀? 世界D人真係識係老鼠!

好啦好啦… 相信大家要點樣apply呢句你唔好咁BARBIE好喎!都唔駛再多講啦! 係咪?

我諗最少五年或以上未試過咁痛,呢種唔係心理上的痛;或者肉體上的痛,而係無論食野、飲水、講野、刷牙都會令我痛到飛起的!無錯!咪就係生痱滋囉!自從上星期的某日咬到自己後,就於兩三日內形成左一粒痱滋!唉…

細個因為成日食煎炸野,生痱滋就好似家常便飯。只要同阿嫲講,佢就比啲鹽我放係傷口上,叫下救命就會好快好起來。同七婆講,佢就會比杯鹽水我飲,飲完雖然唔會叫救命,但過幾日又會好返!到大個啲,我就唔會用以上方法;而係直接用牙刷刷穿佢!當然呢個方法係最痛啦,所以除非傷口好大或者痛苦不堪,否則極少用。以前一個ex知我生痱滋,就走去買支西瓜霜過我,查左幾次就好。 但今次應該點好呢?

經過幾日的痛楚後,我決定唔用西瓜霜。因為我唔想用完今次,唔知隔幾耐再生,到時支野過期做成浪費!又唔想虐待自己而刷穿佢,於是決定乜都唔做!等佢自己好!最多食少啲煎炸易上火的食品,飲杯清熱X算了!

其實我都知呢個方法有點傻,但如果朋友們有任何人有妙方的話,不妨指教下我呢個蠢人!

正當份份報紙都係度講緊W小姐敗訢, 有婚結不得之時. 我卻想愛沒有情之際, 忽然腦海就不斷重播梅姐的情歸何處. 真係不知何解!

歌詞雖然形容女性比較貼切, 但係某程度上, 都好配合我今日的思想及日後的事業及個人感情的方向! 怪不得, 怪不得我係咁諗起呢首歌啦! 不過, 明知係好難, 會令人氣餒, 但都要繼續努力! 因為我知我係可以的! 為自己加油!

假如沒有人在facebook日推夜推, 我都唔會知道係2010有一首經典西歌!   又不得不佩服網民的創意, 將VRF的一首成名作寒冰掌mix埋一齊!  勁!

正當眾人對這位謝金燕的種種作出不少批評之時, 又睇下一位網民對此女子及歌曲的見解!

(1) 其實口音不正本身是很性感的,這也正是舒淇在香港被公認為性感的原因之一.  同意!

(2) 填詞和唱腔突破了廣東話的發音方法,令人覺得很新鮮特別,加上她是台灣人,給人一個充份的理由容讓她口音不正.  同意, 但我接受唔到囉!

(3) 填詞內容本身大膽,但沒過火,其實老母並非粗口,很多香港的電台節目主持人都常把老豆老母連在一起說.  當我第一次聽都以為老母係粗口, 後來才得知係台語!   但為什麼一首歌入面要出現4種語言先?  

(4) 她身高170cm,曾獲選美腿小姐,身形似Kelly,跳舞自然好看. 為什麼曾獲選美腿小姐就似女神先?  強烈反對!

(5) 她的嬌嗲表情和動作,正是男士們心裏一直喜歡和想看的.  無言!

(6) 這首雖然是跳舞快歌,但是舞步簡單而不激烈,令跳和看的人都不感到辛苦.  我只能說MV唔算突出, 但又未去到不堪入目!

(7) 影片剪接有配合節奏,讓畫面每幾秒轉換一次,令人百看不厭。 百看不厭?  No way!  因為睇到我眼都花!  

(8) 她本身已有一個12歲的兒子,作為單親媽媽努力工作,特別令人欣賞佩服.  唱歌絕對正當職業, 所以應該支持! 但別忘記, 我們的耐性和包容係有限的!

既然依家有個嗶嗶嗶X寒冰掌, 即將開演唱會的丁太會唔會排呢隻舞, 再叫丁生上台, 2公婆一齊比個surprise我地班fans呢?  丁太, do-able喎, 諗諗呢!

近來會令我會心微笑的事,實在不多。但今晚食飯時所發生的事,真的足夠讓我開心直到臨睡前,事原係咁…

今晚放工後,我去到一間位處港大附近的一所飯店食飯。由於價錢相宜,所以都吸引不少街坊及港大學生,前來光顧。當我入到這間餐廳,招待我的那位女生對我說:「同學仔,幾多位呀?」我心想,這位女生真識做生意!之後我便回答:「一位!」本以為事件就此完結,但到點菜時…

女:「同學仔,想食乜呀?」
我只好笑著回應,「一個A餐,白飯,凍檸茶!」接著便想,雖然我放工返左屋企換左causal wear, 但會否可能像一個仍然在學的青年嗎?於是再一次不以為然,一心享受我的晚餐。

直到結帳時,令我開心的事出現了!

女:「同學仔,做乜唔show張學生證呀?唔係唔記得左show學生證discount㗎喎?」
我:「我冇學生證㗎!」
女:「吓!你冇帶學生證呀?」
我:「我畢業好多年了!」
女面帶驚訝的說:「唔好意思呀,我仲以為你剛放學添!」
我只好說:「真係要多謝阿媽生得我咁後生呀!咁張單即係幾錢呀?」

之後我便結帳走人,雖然餐飯沒有discount, 但比人再次感到我比真實年齡年青,心裡真係高興!起碼証明我平時花時間打扮及護膚,令我更動力去繼續呀!還是因為我的小童身材令人誤會,真係不得而知啦!不過,如此美麗的誤會又真係幾心甜的!可是,如果我仍然有一副長不大的外表,咁會否阻礙我其他方面的發展呢?

都係唔諗咁多,開心完先算!

對上一次去澳門係今年四月的復活節長假, 那次因為去得太突然, 而且時間太短(搭6點船去, 凌晨2點返), 根本沒有時間去做好多事. 例如食豬扒包, 水蟹粥, 參觀新酒店, 遊名勝等… 所以搞到的成日心思思想去多次澳門, 而且次次都係即日來回, 所以今次就想去個2日一夜的短trip!

其實再想去澳門, 唔多唔少都因為同個新show水舞間有關! 想睇唔係因為鄭秀文唱主題曲, 而係睇左一D有關水舞間的報導, 加上電視廣告, 真係好想去見識下! 何況短期內都未別有機會去到Las Vegas睇show, 近近地過大海滿足及獎勵下自己都好呀!

一早已經鎖定左陪我去的目標人物, 原以為呢位人姐只要係一D大製作就會吸引到佢興趣! 只可惜千算萬算, 就是忘了佢怕水, 重要係怕會噴水的東西! 所以佢已經婉拒了我我好意, 而居住在澳門的那位朋友又對呢個show興趣唔大! 那麼跟我一齊睇呢個MV應該冇問題啦掛?

其實我又想係十一月過大海睇賽車, 十二月係澳門過生日… 又邊會有咁多人陪我成日過大海一齊癲呀! 都係發下夢算啦, 或者make up my mind, 3選1吧!