Skip to content

東.思

請不必傷痛 請不必心酸 請把我默默思念

Category Archives: 給朋友

多年前,差不多十數年前,我遇上一位女子!好似同樣係十一月,因為學校choir要出外表演,在回程的路上,我和這位女子慢慢聊上,之後我們就成為了好朋友。直到今時今日,我們依然是好朋友,但感覺已昇華到像親人一般的友好!自問我眞係冇諗過當日以為吹下水的對象,竟會成為一個會時常吃喝玩樂、打啡談心、甚至在我無家可歸時收留我、在我被嚇到六神無主時給我無限支持的人!

哀心的感謝你!亦祝福你繼續美麗、像玫瑰盛放一樣燦爛!生日快樂,準索博士!

呢首都應該算係屬於我們的主題曲了! 當然, 想講的又個只咁少呀? 但在心中啦! 十一月會係你最忙的日子, 相信要見都應該係十二月了! 所以, 我們繼續保持聯絡, 唔好失蹤啦! 加油!

廣告

當我今朝買咖啡,見到以下呢個杯,我突然間想起我的一眾好友!

睇嚟我係時候主動的搵班好友、姊妹出嚟聯誼下了!:)

對於一個不屬於美容界,但被邀請出席香港國際美容師協會的雙週年晚會,本人實屬榮幸。能夠被邀出席,都係多得郭姐!除左因為佢係該會的主席(仲要係最後一次以主席身份喎!),更因為佢係該晚會的司儀。身為好友,點都要支持下啦!

機本上, 呢個晚會同一般婚宴一樣! 睇菜單就知啦!

當晚除左係一個bi-annual dinner外, 亦係一個就職活動. 講真, 唔係業內人仕的我真係提不起一點興趣, 所以對於演講者的幾分鐘speech真的毫無印象. 唯一記得的就係第一位致詞嘉賓係一位前亞姐, 好似同葉玉卿同屆的潘先儀! 係又未開席及聆聽各位的演詞之際, 我除左拍掌外, 玩我部I Phone就係唯一方法令我無咁悶的方法! 席間的白姐妹就介紹我玩一個新Apps, Restaurant Story. 雖然白姐妹只係大概咁話比我聽個game係點玩, 但我未有花大多心力去玩, 因為係whatsapp入面係咁有人同我chat! 所以, 遲下我先慢慢玩!

那些儀式大致完成後, 都未可以開席喎, 因為司儀話會即時進行抽table gift的環節! 檯上一共有7份禮物由12個人一齊抽, 我又係無乜expectation底下 (唔多唔少都因為我冇抽獎命!), 居然中左獎喎! 就係…

大家估到這是什麼嗎? 去得同美容有關的晚宴, 當然份禮物係同扮靚有關啦! 答案就係一支生眉液! 我第一個反應係有乜用架? 同埋用完對眉會唔會變到苦榮咁粗架? 不過, 無所謂啦! 都係一種luck! 或者去到大抽獎時, 可能會打破冇抽獎運的宿命呢! 當然, 到最後都係乜都抽唔到啦!

抽完table gift, 終於有得食! 食食下就有一D表演睇下, 包括唱歌跳舞! 氣氛亦係郭姐的帶動底下先冇咁悶! 但係我有個疑問, 明明有2個MC, 而郭姐又事先同我講佢會少D出聲架? 點解成晚佢個partner除左開頭出過聲外, 其餘時間好像隱形咁(口既)! 莫非佢一杯即醉? 但不得不讚下我位老友, 造型扮相美麗外, 做司儀都幾有台形喎! 唔知第日我結婚, 搵佢做MC會唔會托我手爭呢?

到散場先搵到佢同我影張合照! 真係辛苦你啦! Anyway, 個party又玩得幾開心呀! 有得食, 又有禮物收, 仲可以比機會自己著下靚衫! 一次過滿足3個願望, 仲開心過食Kinder 出奇蛋! 所以郭姐你唔好咁客氣啦, 其實係我多謝你先真!

當年同阿Y一齊回流香港, 但佢N年前決定返老家開始, 我們便較少聯絡. 話雖如此, 但只要我地在一起, 就會好似當年一樣, 2個瘋少在青山放出來一樣! 幸好佢由於工作關係, 有唔少機會係香港; 只不過唔係佢每次返來都可以見佢一面. 就好似對上一次見佢, 已經係一年前的事了! 假如沒有叫佢幫手, 從老家帶回東西給我, 真係唔知幾時再見! 既然佢係香港, 又要比D野我, 我又點可以錯過同佢聚舊的機會呢!

在飯局的2小時內, 我們無所不談! 從我們近況, 各自在香港/多倫多的生活, 共同的朋友等… 都可以傾餐飽! 當然, 我的感情生活亦係今晚個agenda上啦. 而我亦不厭其煩咁, 由08年尾, 09年頭到今時今日所發生我事, 一五一十的講過清楚! 雖然都係個topic係好悶, 但佢今晚就用左一個幾interesting的故仔, 鼓勵我唔好放棄! 就係圓形的故事!

就當香港所有的人都活係一個圓形, 男女各佔一半. 撇除已結婚及老人小孩等, “single and available"就好似剩低1/8. (ie. 我) 但別忘記, 再撇除gay/les的(假設都係一半, 即1/16), 不適合我年紀後, 其實真正single and available的就只剩下1/32. 假如再加上我的個人喜好, 例如都係外國回流或略懂英語(最起碼知道我個名KHRES點讀的), 能夠合適我的就只有1/128. 聽到呢到, 我真係想叫佢收聲, 唔好再打沉我的信心! 但佢就補左句, 其實你以為好絕望, 但你簡人時人簡你, 所以其實我都係好矜貴! 所以別放棄, 只要有一日我仲活係地球上, 又駛乜驚我會繼續做個孤單的人孤單的我!

聽佢咁講又係喎, 只因只要地球還有人類, 戀愛定必極近!

但我又唔可以乜都唔做, 所以… 我應該繼續努力尋找我的另一半! 例如, 有空就多D外出social, keep下自己的外觀, self upgrade下, 相信機會點都高過中六合彩掛! Anyway, 今晚訓醒後, 我應該第一時間對住塊鏡同自己講, 我仲有希望的! _

順便同阿Y講, 你的建議我會好好考慮下的; 同埋希望下次見到你, 唔會係三個月後BL的婚宴上, 而係12月啦! 因為你好耐都冇同我過生日了!

近日係我的音樂播放器中, 得到最高播放率(即我本人本月份最愛的歌曲)就係…

其實每次聽到都會想起你, 可能跟你的背境有關吧!

生得嬌小的她 當初只懂 自卑跟羨慕
偏要自命獨特 抗拒著高踭鞋去增高
還是少女怕未夠量度 著了也徒勞
恐怕不顧儀態 差錯腳步 給世界目睹
雖然我識你的時候, 你已經著高踭鞋, 但我想生得嬌小的妳, 應該試過咁諗過掛!

經過日月練歷 增添一身 女人的味道
豐富內在 淡定自在 便可把鞋著得好
著起幾高的踭 幾花的款 亦可跨大步
憑自信全部駕馭得到
直頭係講緊你啦! I mean 係今時今日的你!

搖曳風騷
沒有路我行不到 沒有事我辦不到
行過大馬路
著起斗零踭大步大步
沿途盛放是最美麗花草
未會任世人擺佈 活到令世人鼓舞 路線任我鋪
著起斗零踭逐步逐步 尋覓到自己心頭所好
人成熟才值得自豪
你依家咪向住呢個方向進發啦! 唔係咩?

當天摔的一交 造就現在 學識怎企好
七吋踭比不起 知性耐性 把人托得高
昂然大步大步踏在自己興建的跑道
懷自信誰亦駕馭得到
成日你都咁有自信, 怪不得我地咁好朋友啦!

搖曳風騷
沒有路我行不到 沒有事我辦不到
路線任我鋪
著起斗零踭逐步逐步 尋覓到自己心頭所好

左右 左右
左右 左右
這樣然後 精神 醒神 心情好
不急不躁
高踭有多高亦屹立不倒
還記得你拗柴都繼續著嗎? 仲要好專業咁面露笑容, 結果咪就係睇左成個月跌打! 屹立不倒係某程度上好似講緊你咁!

搖曳風騷
沒有路我行不到 沒有鞋駕馭不到 自信地舞蹈
著起斗零踭大步大步
昂然踏進下個美麗花都
步法未會學不到 步向大眾來宣佈 路線任我鋪
著起斗零踭逐步逐步 來邁向耀眼的前途
人成熟才值得自豪
知你由依家到我生日前都係為左你的人生路線努力, 所以藉此祝你一帆風順!

講咁耐, 你都應該知道我呢篇文章寫比邊個的? 有空就搵我claim埋你D飯數啦!

最近睇到一篇文章, 內容熟口熟面, 彷彿係照住我朋友來寫一樣! 故事大概係一個男人跟一個比自己強的女人談戀愛, 一起生活超過十年, 一直沒有太大問題! 直到最近, 女方經常因為小事遷怒於男方, 男方初時都會去忍! 但佢始終都係一個人, 容忍去到一個頂點後, 他便開始認為女方無理取鬧! 甚至四出去問他身邊的朋友, 他應如何改變佢?

至於他所得到的回應, 都一致認為女方一直以來都認定自己在各方面都比男方強, 經過多年的相處, 更自覺佢可以食住個男人! 原因係個女人已經將最黃金的十年比左個男人, 因她深信他就是一個可以讓她安心共渡餘生, 生兒育女的理想對像! 只可惜隨著時間的流逝, 彼此都了解對方更多以後, 女的才發現大家有著太大的距離, 於是不安於現狀! 她的不安就是來自她對男方有很多的不滿, 而男的又未有及時發現, 又未有醒目地作出改善! 因此, 她便肆無忌憚的責罵對方, 希望此舉會令對方去為這段關係do something, 更係給對方一個最後通諜! 只可惜男方的朋友完全一致認為這段關係應該早早的game over, 因為他們認為女方是一個難以相處的人! 與其他要愛得這樣辛苦, 倒不如早點結朿, 說不定他可以找到一位更匹配的女子哦! 到最後, 他發覺朋友的話都不是完全沒道理, 最後大家選擇和平分手!

雖然故事主人翁最終要分手收場, 但現實生活中的朋友, 他們仍然努力嘗試去挽救這段感情! 不管他們用什麼方法, 我都在此衷心祝福他們能夠跨越這些困難, 情花早日開花結果!

在朋友群當中, 要選一位最多才多藝的, 那麼郭姐一定大熱當選! 只因佢不但入得廚房, 出得廳堂外; 閒時亦非常之talk得, 就算同佢出街食飯行街, 都會學都一些新鮮事. 所以大部人都喜歡跟佢做朋友, 最近佢又給我一個驚喜, 就係自己做潤唇膏!

對我來講, 自己做化粧/護膚品簡直係天荒夜談, 或者我太無知吧! 但要做潤唇膏, 不是要好大工程嗎? 冇一頭半個月, 又點可能完成呢? 雖然我一早已經聽過佢會做, 但從不放在心上, 所以到我收到這個完成品, 實在令我驚訝! 無論如何, 我都要多謝佢肯送給我試用! 以下時間就藉著我的文字, 分享下我的用後感!

先講包裝, size跟街上能見到的支裝沒有大分別, 但個label就見到佢個樣, 咁每次用起來, 都會記起佢啦! 在我而言, 通常用得潤唇膏都係好dry的時候, 而每次用起上來, 見到佢個樣, 就好似一個朋友的關懷! 感覺真係幾warm and sweet! 味道方面, 佢話係朱古力味, 但係我覺得係vanilla多D! 而我一向用的潤唇膏都係冇味道的, 但佢呢隻味道不像身體店或生果冰咁濃烈, 所以我絕對可以接受到! 試用左2日, dry唇問題明顯的見到改善! 就算臨訓前搽, 經過一晚冷氣, 第2朝醒來都唔覺得乾! 加上搽上去係啞色及有spf 15, 所以就算日常使用, 我都覺得ok!

聽講佢遲D會再做多一批大量生產, 還會有其他味道可供選擇, 但價格待定! 假如真有幾日的話(唔係睇死佢會放棄, 而係佢未來呢幾個月會較忙!), 我定必為佢大肆宣傳(或者有興趣的話, 我都可以搵我幫你買), 再一次多謝佢呢份心意!