Skip to content

東.思

請不必傷痛 請不必心酸 請把我默默思念

Category Archives:

一年一度的港姐決賽係尋晚順利舉行, 由於昨晚要出席學妹的婚禮, 所以無緣即時見證新任港姐誔生.  但當我得知賽果時, 真係shock and surprise.  皆因我喜歡的8號10號11號, 通通落選.  反而亳不起眼及未有好感的, 卻全部得獎.  真的想打電話去廣管局投訴, 但當我有機會重溫這個比賽後, 我發覺得獎的並非無因.  趁這機會來個我的個人賽後分析, 順便做個賽果認同指數呢!


1 黃安琪
初初我都以為係一位未可輕視佳麗, 但昨晚表現令我過目即忘.  加上似闊太多過參選, 陪跑已成意料中事.
賽果認同指數: 90%


2. 張莉莎
完全唔似25, 仲以為係18/22添!  可惜—開聲就似港女, 斷估參選都係為入娛樂圈, 落選對佢應該係件好事!
賽果認同指數: 80%


3. 張藝婷
入到八強真係令人費解, 皆因樣貌有d似係泰國歌舞團揾食咁, 身材玲瓏但囗才唔出眾.  睇佢答問題咁慾言又止, 咁都晉級真係冇眼睇!
賽果認同指數: 10%


4. 文凱玲
我硬係覺得佢好似毛舜筠加葉童, 原以為有力再上, 但尋晚的表現好難令我留下深刻印像囉!  八強止步都真係叫做超乎預期! 
賽果認同指數: 50%


5. 莊思明
講真我同家姐都覺得點解佢會得第3?  成個來自得成咁款, 髮型又咁突出!  但係對答不錯, 外觀又比佢家姐好!  八強係reasonable, 但第3就冇乜說服力了! 
賽果認同指數: 20%


6. 林碧珍
從頭到尾, 我都係個句…操好再來!  所以一早已跌入我的陪跑group之中, 佢落選就証明左班評判都係有眼的! 
賽果認同指數: 100%


7. 何樂翩
由面試開始, 都覺得佢係爭勝份子之一.  但22歲就同50歲的DO姐一樣, 擁有"天然"的美麗, 加上骨瘦如柴的身段!  都係回家休息吧! 
賽果認同指數: 75%


8. 彭慧中
樣樣都好, 親切順眼, 行catwalk又夠cute!  就算比D負面野拖累, 都應該有個最上鏡小姐或四強呀!  八強玩完加冇安慰獎?  真係unbelievable.
賽果認同指數: 15%


9. 李雪瑩
真係一個surprise!  由原先認定係陪跑份子的她, 尋晚有令我眼前一亮的感覺!  仲令我諗起一位落選亞姐張佩金, 入八強係好正常, 但係最上鏡小姐同第四就好似over左囉! 
賽果認同指數: 30%


10. 馬鈞怡
應有則有, 該冇則冇的佳麗!  仲有一副有個性的女仔, 絕對係三甲的鐵膽人選!  真係唔明輸乜, 真係接受唔到囉我!  雖然係咁, 但係佢尋晚個粧冇其他佳麗咁突出, 呢個就真係一個不折不扣的事實! 
賽果認同指數: 5%


11. 李文煊
鄉音累事, 但不至於八強都冇掛?  做唔成冠軍都好, 起碼証明冇造馬先啦! 
賽果認同指數: 25%


12. 湯寶珍
原來已經得過獎架!  嘩… amazing!  但佢係我心中, 一早就陪跑居多, 佢落選, 我一D都唔surprise! 
賽果認同指數: 95%


13. 陳庭欣
初見傳媒就以為係冷馬一名, 但係尋晚又幾得喎!  除左大方得體外, 仲比我發現左佢有少少玉女掌門周慧敏個feel添!  雖然唔係心水三甲, 但總算係實至名歸!
賽果認同指數: 80%


14. 李俍嬿
其實都叫做幾四平八穩的選手, 又係溫哥華華姐, 以為有機點知都係空手以回!  唉…  可惜可惜!
賽果認同指數: 25%


15. 張秀文
那個漲爆飽面的確令我卻步, 但係尋晚我覺得佢好sharp, 仲有D似陳霽平, 加上談吐一D都唔港女!  但係得亞軍就好似多左D, 個人認為季軍會適合佢D.
賽果認同指數: 60%

講咁耐, 我都學左一樣野!  就係凡事唔係絕對的, 你以為得就未別得!  以為自己唔得就可能得!  有信心同努力係有人知架!  何謂世事又點會乜都咁如意先, 乜都去投訴, 咁世界又邊得和平呀!  樂觀d啦, 香港人! 

唔經唔覺,一個月的世界杯咁就打完。西班牙不負眾望,捧走隻大力神杯。真係高興極了,除左因為佢成為第8支首次奪得世界杯冠軍外,又得到公平競技獎、 最佳11人中佔左7席、 門將卡斯拿斯又得到金手套獎. 更打破左由英格蘭、巴西及西德聯手保持的入球最小球隊。(舊紀錄為11球,而西班牙只有七球) 而且仲做就左隻八爪魚阿Paul, 貼12場中11場喎. 我們的香港代表什麼玲, 什麼綾都準唔過隻鱆魚喎, 單係咁都夠晒綽頭啦! 其實尋晚場波,真係好精釆! 試想想成晚荷蘭D攻擊, 全部都係致命架! 就算要捱眼瞓由2點半睇到5點都值得啦,4年一次呀嗎! 老實講,雖然我心水的四強大部份都八強止步,不過從今次南非世界杯之中,我學會一些東西並且有所啟發。 一齊分享下呢!

年僅20歲的德國國家足球隊球員湯瑪士梅拿,奪得南非世界盃最佳新人獎及金靴獎兩個獎項. 今年已經32歲仲係最後一次踢世界杯的烏拉圭球員科蘭獲選最佳球員,獲得金球獎. 球場上優秀劣敗都無分年齡, 最佳就係最佳, 英雄就係英雄. 所以, 我應該繼續努力, 只要自己深信的東西是對的, 心存三好. 英雄之位, 就指日可待啦.

有實力的球隊如意大利同法國首圈出局雖然好意外, 但諗深一層作地輸都係因為輕敵同唔團結. 簡單咁講, 即係你唔努力或唔盡全力, 輸/衰左! 無人可憐你, 同情你, 仲要比人省到抽筋添! 那麼實力唔高,但好努力同全力以赴的加納,南韓, 日本等…雖然輸左! 但係比成個亞洲/非洲人民當成民族英雄. 呢個故事教訓我地D乜呢? 咪就係就算自己有冇實力,都要努力, 自己想做/或者想得到的東西就一定要做好! 有心做, 有眼等人是必定看到的! 靠走精面的, 終會得到報應架!

什麼是公平競爭? 尋晚場波咪係最佳答案啦! 荷蘭成晚好進取, 但係覺唔覺得打得好粗暴同茅呀? 單睇發出的黃牌大多係荷蘭呢邊, 雖然有人話球證偏幫西班牙, 但係我就覺得作相當仁慈啦! De Jong上半場那個"穿心腳"好明顯係紅牌得啦, 但係都冇. 明知個個都打得好燥, 只要有D唔對路, 都黃牌警告, 仲唔係一個暗示? 就係佢都唔想有人要紅牌出場, 打小個咁唔fair啦. 但係西班牙同個咁茅的對手打, 佢地依然好君子, 冷靜地沉著應戰! 值得我學習啦! 特別係打緊16個東個陣添!

還有輸左唔緊要. 就好似西班牙同德國咁, 都分別係分組賽輸過! 但到最後咪又係一樣贏返? 人生就好似踢緊一場又一場的逆境波咁,只要唔好慌、唔好亂,我地一定會見到曙光架! 以下呢首歌希望大家會有所領悟吧!

以上呢d野講就好易,我都努力學習緊。希望我真正學以致用的一天唔會係七老八十啦! 同場加映以下呢張好溫馨的照片,正所謂友誼第一嗎!

image

係咪好sweet呢?

為左入「皇仁」,我不但要聽爛仔的胡言亂語,甚至沒有好下場。我都冇後悔,因為身邊大部份人都撐我!佢地大致上都認為我冇做錯,錯都係爛仔身上。更認同我的選擇及處理方式,在此我想感謝各位的安慰及支持!我真的無以為報,但請各位放心,除左唔會以身相許外,我更不會因為這群爛仔的說話再繼續影響我。只因我深信做壞事,存壞心腸,講壞說話的人;定必得到應得的報應。

過去半年,就當係一場惡夢!夢醒了,咪又係一條好漢!可能我會消失幾日出外散心,但去邊就等家母離港後再作打算!當然你地有節目,就梗係要叫我啦!仲有Do姐壽宴,我一定會出現的!

話咁快, 4月就嚟到最後一日.
自我回流04年香港後, 每到4月都係特別唔開心的…
例如…04年就煩搵唔到野做 (雖然最後係4月尾收到個offer)
05年又無啦啦傷及舊患, 情緒波動.
06年親愛的瑪莉亞又離開了我, 雖然係意料之內, 但係情緒亦十分低落.
以為07年會好d, 點知又成為辨公室政治下的犧牲品.
08年…直頭提都唔想提
到09年, 外公病逝, 彷彿所有唔好的事和物都係係4月發生咁.
正因為以往的經驗, 以為4月真係好難過. 點知就剛剛相反….

2010年的4月, 彷彿桃花旺盛! 由4月1號開始, 不斷結交新朋友. 黃金時期, 接近每日都會見新朋友. 食飯, 睇戲, 甚至到郊遊, 你得到可以的事, 差不多通通做齊, 除左xx (well, xx可以解好多事的, :p) 但係唔係每個都可以發展呢? 好肯定, 唔係…因為大部份都有另一半的! 就算single and available的, 都因為各種原因無疾而終. 算啦, 我從來都冇期望又點會失望先? 起碼我多左3個好友, 有so啦!!

唔止桃花勁, 早前去車公廟求的簽都中左. 一到4月, 有得interview仲可以second in, 以為已經叫做超額完成. 但係估唔到由first in到有offer, 前後唔駛十日. 而且仲要係以為自己呢世都冇機會去的「皇仁」. 真係可以提早去還得神落了. 亦都同當日有份去求簽的DO同FA講, 你地支簽都應該好快中的.

總結4月, 好的真係比壞的多, 因為沒有壞的出現都唔會令我珍惜好的來臨.