Skip to content

東.思

請不必傷痛 請不必心酸 請把我默默思念

Category Archives: 精裝追靚仔

星期六晚上,又再一次做宅男!最主要都係唔想俾朋友見到一個苦瓜乾,要佢地擔心就唔好啦!於是電視就係我的最佳伴侶。特別係今晚,又係精裝追靚仔的時候。應該可以為我勁差的心情,加上一點色彩。至少可以知道女人心態, 為告別單身作一準備.

入正題啦,今次個女主角係一位貌似黎芷珊的"美女"。 芳齡不詳,係一位理財顧問,嗜好係打跆拳道。佢希望搵返個
– 有經濟能力(最好年薪有一億won或以上)
– 有自信
– 會做運動(最好有腹/背肌)
– 會講英文的男人

(好似個個女人的擇偶條件都係差唔多咁!)

至於四位男人,分別係

1 一位專業攝影師 (雖然冇同佢約會, 但係佢見到真身後, 超後悔! 因為佢有一個運動員的身形)
2 身材勁fit的酒吧老闆 (都係冇同佢約會, 原因係太好身材又靚仔, 係埋一齊會冇安全感)
3 去過80個國家的無業遊民 (第一眼見到人就有D睇唔起人, 但相處落又超投緣的男人)
4 專業整形醫生 (一見到就勁嗒糖)

女主角同3+4號男約會地點係一間gym club. 原因係希望睇下個男人曉唔曉管理自己? (咁又係, 要長期keep住做GYM, 小D恆心同自律都唔得! 我就係一個失敗的例子, :P)

睇完以上重點,你又覺得邊個得到最後勝利呢? 下個禮拜自有分曉!

廣告

自從屋企換左部高清電視後,睇電視真係多左d選擇。最愛睇J2, 只因有好多亞洲唔同類別的節目,總好過睇埋D婆媽劇。(最主要唔想同公司D C9有太多野講,佢地太有「見地」了。溝通唔到!)

今晚冇出街,睇電視係最佳節目。J2正在播放韓國節目-精裝追靚仔。節目型式係幫一個委託人(即係單身女人),根據佢地開出的條件搵男仔!三個女主持收到柯打後,就四出尋食。務求可以搵到四個男仔,比委託人簡選2個同佢約會。再選出真命天子。至於被放棄的兩位靚仔好似會益其他靚女。個idea幾得意呀,起碼滿足到不少人睇靚野的慾望。仲有睇佢地後悔自己的選擇個(火羅)樣又幾過癮,哈!(我認我mean, 但咁又點?)

今晚呢集女主角希望搵一個係大機構做,同佢住得近,皮膚靚及有D米。個女主角結果簡左2個令佢後悔的對象,見到其他落選者就後悔到爆。好可惜佢簡左個悶蛋(我覺得囉,ok?)至於佢點解就只有佢自己先知,難度怕醜的男人真係吸引到女人?點都好,希望佢地有個happy ending啦!

綜合左一d意見,我覺得女人大部份都唔鍾意太狂野的(要wild不如留番港男先啦)及孤寒的男人。自然親切都係容易draw到別人的attention, 加上個可愛的笑容,直頭係無敵!

我諗如果我要告別單身,第一樣要做的肯定要整返好d牙先!wakaka, 😀