Skip to content

東.思

請不必傷痛 請不必心酸 請把我默默思念

Category Archives: 火爆仔時間

有日行過先知fat burger已經靜悄悄地結業了,那時先發覺我也曾經因為盧覓雪在覓食天下介紹過,而去試食!那時我的食後感係,triple o甚至burger king都好食過佢,所以就一去冇回頭!係咪真係咁差呢?睇完你就明!

圖中見到的係一個signature burger, 加左5蚊的洋蔥圈、及加左30蚊的strawberry milkshake. 總共95元正,比Triple O貴大概十蚊set, 滿心歡喜以為會好好食啦,點知一食就出事…

個飽同一般嘉頓包飽冇分別,個patty一啲都唔juicy, 而且又薄,分分鐘薄過老麥classic漢堡飽!洋蔥圈沒什麼特別,奶昔跟一杯奶加左士多啤梨一樣,唔似其他milkshake咁rich. 直頭係物不乎所值,點可能會再返去比佢搵多我一次笨呢? 所以結業又真係一啲都surprise! 完!

曾參選立法會議員的名媛林依麗,繼早前為商台節目做嘉賓,其間與謝偉俊發生口角外; 4月又訛稱遭保安員胸襲, 事後又公言話個法官精神強裝左佢之後, 呢位要包二奶刑事化的"正義女神"又出招啦! 就係叫天后容祖兒做歌星仔! 原因係睇到容祖兒的言論才有感而發, 仲話:「容祖兒幾歲?佢細個咪歌星仔,做乜啫?鄭秀文同梅艷芳喺我心目中先係大歌星。」 林小姐又指容祖兒呼籲港人不要仇恨菲律賓人的行為不當,她說:「喺呢個咁痛苦嘅時候,死咗八個港人,唔係八隻蟻,暫時真係唔應該提菲律賓,香港人好快會淡忘,但容祖兒仲提,咁會喺人哋傷口灑鹽。」 唔好講咁多, 先睇片!

無錯, 我地曾經對菲國政府此事的處理手法很憤怒. 但我相信這是一件個別事件, 而且你亦有權唔用菲藉傭工, 但你唔應該鼓勵在如此非常時期去炒菲傭. 試想想, 菲傭都幫過不少家庭解決我們的家庭問題, 都間接做福香港人. 假如你係度鼓勵香港人因為這慘劇, 就叫人炒菲傭, 那麼有多少個家庭會受影響呢? 再者, 香港係一個多完化社會, 鼓勵別人去仇視另一種族, 就形同隱形暴力. 這些隱形暴力會慢慢演變到另一慘劇, 那又何苦呢? 何況我們不是如此不明事理, 假如你真係咁唔喜歡菲藉人仕, 見到咪當透明囉! 而且我們主動去製造們仇恨, 去遷怒一些無辜的人, 咁我們跟一些野蠻人有何分別?

至於林女仕叫容祖兒做歌星仔, 有乜資格去評論此事? 我真覺得無理頭! 香港有言論自由, 人人都有權發表意見, 你可以拍片放上youtube, 點解身為一位公眾人物唔可以先? 何況, 現今社會明星歌星的影響力比阿爸阿媽更有殺傷力, 身為偶像的她更有責任把一些正確的訊息宣揚出去. 雖然我唔係好buy容祖兒, 但我覺得佢冇做錯呀! 希望林女仕記住無論歌星或普通市民都有表達自己感受的權利,大家應尊重他人的言論自由! 亦唔好再令到呢件事咁複雜化啦, 唔該! 去惡意批評別人係歌星仔, 就証明佢沒有認同別人的努力發對社會的貢獻! 正所謂寧欺百鬚公, 莫欺少年窮! 容小姐今日未別係有梅姐或Sammi的成就, 但難保他日可以甚至青出於藍喎! 係咪? 既然你有意係2012參選立法會議員, 倒不如將你拍片的時間去多關心社會, 等其他人見識下你對社會的真正貢獻, 讓你的選民對你投下神聖的一票吧!

與其係段片叫人有信心, 咁唔該你都比D信心做返一個"大議員"吧!

最近係facebook成日見到一個group, 叫反對「ENK」七人車「四眼陰公男」母子惡人先告狀,支持城巴車長乘客! 最初我都不以為是什麼, 但當我係youtube睇到以下短片後, 我終明白這是什麼了!

首先, 我唔係仇富! 但係有架巴士埋站你CUT架車入黎已經係大錯特錯, 仲要係一個雙黃線巴士站喎! 學大契話齋, 邊個係人邊個係鬼, 明眼人一睇就睇得出! 錯左仲要講一大堆粗口, 估都估自己唔夠人拗啦… 仲要同人地講你搭巴士真係陰公, 嘩! 你真係可以得罪幾百萬香港市民! 記得芯姐N年前講過, 冇車唔緊要… 最少我仲有個巴士司機用架貴過私家車N倍的巴士載我周圍去, 我駛擔心? 果陣時大家都得個teenage都能講得出巴士有幾偉大, 咁你都諗到巴士對呢個社會有幾重要!

當然, 你afford得買車開車係冇問題, 但律師黃國桐表示,切線問題已違犯交通條例,而車主於公眾地方以粗言穢語大聲辱罵和挑釁巴士乘客和行人,有可能被控公眾地方行為不檢罪,而阻礙行人乘坐巴士,可被控對公眾秩序造成滋擾及不安. 真係該當何罪呢? 香港有D咁高質數的人, 真係冇眼睇…

有錢人我都識得一D, 但係佢地個個都好多都好nice, 有修養冇架子… 完全唔似呢位"有錢人"一樣! 對於香港繼阿珍之後, 又多左D “nice"到無朋友的人, 仲有邊有人敢來香港呀! 難道惡人先告狀, 身體勁健康!? 唉…香港天空真係好灰呀!

對於呢位4眼仔, 有首歌真係好岩你聽! 咪就係…

講完!

自2007年起實施室內禁煙, 禁煙範圍又擴大至娛樂場所及有蓋及露天公共交通交滙處後, 衞生署旗下控煙辦公室計劃進一步收窄煙民僅餘的吸煙範圍, 考慮引入其他國家的控煙措施, 包括禁止在建築物出入口五米範圍內吸煙. 即係話煙民如我有可能不能再圍在路邊垃圾桶"打邊爐", 那麼我們仲可以係邊度食煙呢? 大家都知香港有幾大架啦, 如果真係實行禁止在建築物出入口五米範圍內吸煙, 那麼在人多的地方要搵五米範圍以外嘅空曠地方, 一定搵唔到,除非走出馬路或者係自己屋企! 可況香港咁大, 真係好難apply到外國standard, 起碼人地D地方係香港的N倍! 如此想法, 真係不設實際, 不得不爆粗!

政府既然諗到擴大禁煙範圍, 倒不如全面禁煙, 唔比買煙, 身上有香煙就好似帶毒品一樣, 甚至將食煙呢個行為例為犯法! 咁一定可以令到D煙民戒煙啦, 又唔怕2手煙影響到非煙民! 但人係反叛的, 你愈禁人就愈想去做! 雖然控煙範圍不斷擴大,戒煙個案亦增加,但部份人寧願犧牲健康亦堅持吸煙. 連生果報訪問控煙辦主管都話大感迷惑!

人有人權, 要平衡各方係好難! 但駛唔駛咁趕盡殺絕呀, 如要禁止在建築物出入口五米範圍內吸煙的話, 真係多舊魚!

關於八達通出賣個人私隱的事, 已成城中熱話. 昨日, 我收到這封來信, 內容如下.



睇完成篇文章之後, 我有以下的比喻. 我就像跟一個係我面前扮到好賢良淑德的女子結了婚, 一路以來大家相處得很融洽. 直到一天, 我發現我的日常生活, 最秘密的一面比所有三姑六婆看清一樣. 當我問佢, 你有冇同其他人講過, 佢話冇! 但當再有另一些三姑六婆同我講我的私人生活時, 佢話我只跟某幾個人通過下, 沒有任何悔意! 到最後, 全世界的人都知道我的私人生活時, 她才知道事件的嚴重性, 她才跟我道出一切驚人真相時! 還有一堆遲來的sorry同後悔, 這些大巴大巴的心靈掌摑, 我先知身邊最信任的人, 原來出賣及傷害我最深!  那麼我是否應該離開佢呢?  

所以,我最後決定離開佢!  寧願cancel左現有張八達通, 出過一張要自己定時定候增值及沒有任何蓄分功能的八達通罷了! 正所謂一次不宗, 百次不容! 何況早知今日, 何必當初呀! 這封信, 講真… 作用不大囉! 因為我已經去意已決, 何況我都經已對八達通完全心淡, 又點會再期望你的誠諾呢? 仲有, 以後都唔會再貪這些小便宜了!

一些回歸原始, 其實都幾好呀!

忙係好事, 但天口㷫加上星期一, 比個聰明人激下, 真係火都嚟!  假如依家有呢d野係我面前出現, 咁就發達啦! 

image

image

不過發夢好似早左d喎?  唔緊要, 恨下都好!  唔係邊有動力繼續喎?

其實我真係唔明, 明明9月先係中秋節, 但係7月就見到D月餅廣告? 呢D唔知係咪叫做時光飛逝或是光陰似箭呢?

雖然, 我一向都只會買X班的冰皮送禮或自用! 但係某品牌自08年開始, 換上我的女神做代言人後. 我就開始買此品牌自用了, 不過我都係覺得佢冇X班咁好食!

而我今日就係FB到搵到女神為X心月餅的廣告了, 可是點解係咁多個廣告入面, 女神全部都係出左鏡幾秒咁小架? 唔信? 有片為証!

軟嫩彈滑綿篇

芒果脆脆篇

魔鬼脆脆篇

有D失望囉! 同埋我接受唔到囉! 睇怕今年都係買返X班了!