Skip to content

東.思

請不必傷痛 請不必心酸 請把我默默思念

Category Archives: 工作

見到個標題, 你好有可態係個心度講, 關你乜事? 甚至關你乜X野事? 但如果你睇到以下來自報導, 你就會明!

From 蘋果動新聞, (Nov 7, 12:29)

「你對自己的性生活是否滿意?」這條題目沒有色情成份,因為是四川省昨日舉行公務員考試的題目。

這次公務員考試期有 1,921,238人爭奪 8,000多個崗位,考生們憶述這次共有 399條是非,其中有約 6-7條題目,關於性的問題,不少考生都大惑不解,質疑性生活滿足與否,與當公務員之職有何關係。

有考生就估計,這應是用來測謊,因為全卷 400題要在 1小時內答完,根本沒有餘時間思量,這些另類問題就是要看是否有講大話。

假如我是那些考生, 我諗我會咁答!

我對我的性生活很不滿意, 因為我時常感覺到我就像自己跟自己結了婚一樣! 一段健康正常的婚姻, 有2個人的性生活才能稱得上完整! 試問每晚都是自己和自己洞房的性生活, 又甚能讓我滿意呢? 我還是努力地工作, 或許我能找到更大的滿足感吧!

難度依家想搵份工做, 除左你要有能力, 才華, 個性, 懂得如何隨機應變外, 還需要這麼毫無保留的將自己最私隱的一面表現出來?
還是世界變了??

正當份份報紙都係度講緊W小姐敗訢, 有婚結不得之時. 我卻想愛沒有情之際, 忽然腦海就不斷重播梅姐的情歸何處. 真係不知何解!

歌詞雖然形容女性比較貼切, 但係某程度上, 都好配合我今日的思想及日後的事業及個人感情的方向! 怪不得, 怪不得我係咁諗起呢首歌啦! 不過, 明知係好難, 會令人氣餒, 但都要繼續努力! 因為我知我係可以的! 為自己加油!

忙係好事, 但天口㷫加上星期一, 比個聰明人激下, 真係火都嚟!  假如依家有呢d野係我面前出現, 咁就發達啦! 

image

image

不過發夢好似早左d喎?  唔緊要, 恨下都好!  唔係邊有動力繼續喎?

為左入「皇仁」,我不但要聽爛仔的胡言亂語,甚至沒有好下場。我都冇後悔,因為身邊大部份人都撐我!佢地大致上都認為我冇做錯,錯都係爛仔身上。更認同我的選擇及處理方式,在此我想感謝各位的安慰及支持!我真的無以為報,但請各位放心,除左唔會以身相許外,我更不會因為這群爛仔的說話再繼續影響我。只因我深信做壞事,存壞心腸,講壞說話的人;定必得到應得的報應。

過去半年,就當係一場惡夢!夢醒了,咪又係一條好漢!可能我會消失幾日出外散心,但去邊就等家母離港後再作打算!當然你地有節目,就梗係要叫我啦!仲有Do姐壽宴,我一定會出現的!

「皇仁」書院已經正式通知我, 只要辦理好入學手續, 我便可以隨時入學. 本來他們希望我趕得切在下星期入學, 奈何舊校認為我離棄他們, 一大清早給我一大堆難聽說話. 這些狗血淋頭, 半帶人身攻擊的說話, 真係小d膽量同eq都足以隨時暴斃.

既然我決意去「皇仁」, 亦清楚明白要進入「皇仁」係必須過五關斬六將. 能夠成功過關, 我定必傾盡全力, 做到最好. 別讓那些仆街睇死!

到現時為止, 我依然相信去到正常書院得到正常教育, 才是正確的方法貢獻社會. 與其在這裡學歪理, 做爛仔, 倒不如及早回是岸. 那些惡毒說話, 一早忘記了!

世事就係咁…
你以為唔得咩? 點知又比你過到!
不過今次係打孖上…

金定係獅子, 大家都係差唔多function, culture, environment…
大家都感覺良好, 但係離開左個meeting room後, 有乜事發生, 真係唔知?
就算有乜update/feedback都要等明天…
既然要等, 何苦要迫自己諗咁多.

不過都有得著, 至少我睇到我自己有進步.
起碼唔緊張, 做返自己. 信心返番黎. 唯有祝自己好運吧…

最緊要今晚應該有覺好訓….

人其實係唔係真的咁貪心呢?

今日同多大同學蒲太食飯,由於我地太耐冇見,實在有太多野要update! 首先係大家的工作!

基於在中環好易碰到熟人或同事,所以沒法跟佢原汁原味咁分享到底發生什麼事。想不到連見慣大埸面大風浪的她都充滿負能量!點解先?咪就係一個資源錯配的受害者囉!

雖然大家口講要死忍難忍,睇下年尾派彩如何才再決定。但年中點都會有d agent打嚟,問下你會唔會想轉工呀?或者同你講有份工好適合你,快d比份updated CV我。我幫你follow up!面對如此誘惑,你會點先?

雖然我有時會覺得咁樣一走,就好似由一個火坑跳去另一個火坑。但係如果人地比得起錢,福利好,舖頭個招牌靚,點會唔心動喎?比着以前,乜都肯!但係而家,點都有顧慮!怕的只是貪字得個貧,更怕適應唔到新環境,仲有一大堆唔成理由的原因……最終都會因為唔夠決心,走唔到!

既然如此,我都係覺得除非忍無可忍或非走不可,否則都係繼續忍!或者個誘惑真係大到我甘願賣身比佢,可以不必剎掣地亳比佢!咁咪有計傾囉!