Skip to content

東.思

請不必傷痛 請不必心酸 請把我默默思念

Category Archives: 姨媽到聚會

(承上日)

等下等下, 茱莉亦到達DB了! 即係話, 晚飯即將開始了… 經過Do Do細心的安排,我們去到Caramba旁邊的Zaks繼續白姐姐的生日飯局.

呢間餐廳真係好大, 仲有2層. 不過為左可以欣賞到海景及Disneyland的煙花, 我地選擇左2樓的雅座. 菜式方面, 就真係乜都有啦. 但我地都係主力簡左歐陸菜. 以下呢幾款賣相係將吸引, 唔知味道係點呢?

白酒煮青口 – 青口好大隻, 但好明顯係唔入味, 汁又唔夠. 似水煮過後, 搵D蒜蓉, 白酒炒下就算. 有D失望…

煙三文魚凱撒沙津 – 一大碟4個人分剛剛好, 賣相又好. D菜好脆口, 個魚就不過不失啦. 但係Caesar Salad咁易整, 如果連呢個都唔好食, 都真係唔駛返轉頭啦.

鮮茄海鮮意大利粉 – 不論賣相, 味道, 份量都係剛剛好. 但係個pasta就好似林左D, 仲有D青口都係淡而無味.

House Pizza – 足料! 燶燶地咁, 好食過Pizza Hut好多. 成晚最好食就係呢個大餅!

食完主菜, 傾下計, 影下相咁. 好快就到甜品時間… 本來食完D頭盤同主菜之後, 就會對甜品冇乜期望. 但係成晚最大的驚喜出現了… 因為D甜品真係好好食呀!

Chocolate Pudding同Cheese Cake, 單係賣相都已經令到壽星女開心死啦! 個人認為Cheese Cake好食D…

講到尾, 食物唔算突出, 但係情調氣氛一流, 又有煙花睇. 仲可以換免費船飛, 值回票價啦! 不過DB有咁多唔同食肆, 下次有機會都想試下其他餐廳. 🙂

我相信白姐姐應該好滿意我地幫佢安排的驚喜啦, 不過最驚喜的應該係我啦. 因為我食完呢餐之後, 我食滯左囉!

廣告

早在1個月前, Do同我都已經開始計劃如何替白姊妹賀壽. 經過一陣子的討論, 我們一致決定比個驚喜佢, 去一個我們甚少去的大嶼山愉景灣. 我們大約黃昏到達愉景灣, 為白姊妹展開一個快樂的生日會! 由於距離吃飯時間還有一段時間, 我們先到一間墨西哥餐廳飲杯野.


來到這家名為Caramba Mexican Cantina的餐廳, 又點唔試下佢地D Nachos先? 呢個vegetarian nachos幾好食架, 不過主角就覺得太辣, 所以食左小小就停手了. 於是, DO同我就唔停咁KO左呢碟Nachos. 由於份量都幾大, cheese又多, 食完個肚都真係幾頂!

那3杯凍飲, 我相信味道最正常的必定是orange juice. 我的Caramba Margarita就酸得似華梅汁, 藍色的Caramba of the month外觀確有心曠神怡的感覺, 但係味道就有點怪怪的. 雖然我們3人都幾怕熱, 但係黃昏過後又幾舒服, 所以我們最後都選擇了outdoor, 享受微微的陽光和涼風. 多得Do的悉心安排, 我才感覺到原來假日可以很寫意的哦!

席間, 白小姐送上她在家鄉搜購的小禮物! 唔知我的手信係D乜呢?

Paul Frank的鎖匙真的可愛得很, 我真唔捨得用哦! 那2包香口珠的香味怡人, 回到家中, 整個包包都充滿了生果的香味, 相信都應該非常味美的! 多謝白姐姐!

除左手信外, 她還分享了一些加國之旅的部份照片! 看見一些好耐冇見的朋友或者同學, 我只能說他們真係一D都冇變過, 直頭係一個不老的傳說. 從相片中, 我看見個個的笑容燦爛, 明顯地看得出一個個從心發出的親切笑容. 加上加國夏天的風景天氣, 同埋見到好友杜生間新居真係蔚唯其觀啦, 又有森林, 小橋流水等等! 真的希望有一天能回加/家一趟. 反正阿媽上次又開到口同我講, 佢會煮餐好野比我食, 我間房又冇租出去比人. 好! 就等我計劃下先.

等下等下, 茱莉亦到達DB了! 即係話, 晚飯即將開始了….

(明天待續晚飯的情境)

雖然張太正日生日已過, 但作為我們朋友群中的靈魂人物, 又點可以錯過同佢補祝的時刻呢! 終於係昨晚, 我們一行五人移師到赤柱舉行一年一度的張太壽宴!

大約四點多, 我們已到達赤柱. 由於赤柱海邊景色怡人, 吸引無數女仕在此留下倩影. 而我就被那些色彩鮮艷的gelato完全吸引, 雖然我忘記為我所選的荔枝及杏仁味雪糕拍照, 但它美味無比. 配上迷人美景, 正好就是—個relax的星期日了!

到了晚上, 我們一大群人去到了Mijas品賞那裏出名的西班牙菜. 雖然沒有預訂到出名的西班牙燒乳豬, 但能吃到以下的名菜, 真的不枉我坐咗咁耐車入去同抱羔出席啦!

食西班牙菜點可能冇Pama Ham with Melon先, Pama Ham珍貴在於風乾需時, 平均需要最少24個月才能食用! 可惜我一向對cold cut興趣不大, 所以食過就算了!

這個Romaine lettuce salad, 其實同Ceasar Salad冇分別, 只不過個sauce比較清新!

番茄奄列配露荀, 不論味道, 賣相都唔錯. 不過我覺得露荀好似小左D, 同埋個奄列令我諗起飛機餐.

全晚唯一的主菜Seafood Paella出場啦, 雖然這只是2人份, 但足夠我們5人食用! 剩係見到咁多海鮮, 包括大蝦, 青口, 墨魚, 蜆等…真係流晒口水! 個人認為這些海鮮煮得剛剛好, 而且D飯軟硬適中, 味道不會太濃! 正合我心意! 最意想不到的係, 係個鑊入面鏟到有飯焦! 我諗他日我會再返來, 點多次呢個飯!

一論主菜過後, 我們正好享受赤柱寧靜優美的氣氛! 突然Spanish live band,為我們演唱一首英文歌, Phantom of the Opera及中文歌, Beyond的喜歡你. 這兩首歌都令我們一班AY同學而言, 真係有不少美好的回憶.

還記得讀AY個陣, 係香港人都去唱Choir, 因為容易, 而且去參加多D extra活動又可以有5分bonus. 係人都讀啦, 正因為咁, 我地就有機會唱到一些經典名曲. Phantom更係一唱, 唱足兩年! 正因為日唱夜唱, 點會唔成為我們讀書時的經典回憶呀! 仲有, AY係一間有好多中國人入讀的學校, Beyond的歌曲更影響了不少男生愛上band sound, 組band. 如果冇記錯, 曾經有人係talent night演繹過此曲. 真的認同, 回憶總是美好的!

從回憶回到現實, 張太的生日蛋糕出場了!

由於白姊妹打去訂位時, 已訂定呢個蛋糕, 當大家以為只係一個白雪雪的蛋糕之時! 見到有寫上"HAPPY BIRTHDAY DORA"及一些生果, 以及一個識唱歌的荷花形candle! 都真係幾有心思! 味道係點都不重要啦, 最重要的是看見張太由心發出的笑容便已足夠啦! 再一次祝福你心想事成, 身體健康!

以下呢個焦糖燉蛋為我們的壽宴劃上完美的句號.

由於係一個免費甜品, 以為係個熱食, 但原來係凍食! 一食落去, D焦糖好苦! 不過既然係免費, 算啦!

總結這個壽宴, 感謝白姊妹的安排! 為我們過了一個不一樣的星期日, 我相信列席的一眾VIP都會認同你為這個聚會所認付出的一切! 靚人靚景, 加上美食, 南亞版Phantom等等…真係好relax呀!

不過, 都係時候諗下點同白姊妹慶生了! 張太, are you ready?

自年頭開始,Do & Fa同我都會定期聚會。多數係怡東間coffee shop到舉行,不過三月份跟一二月的有所不同。皆因我地要慶祝三八婦女節,於是我地決定食買八。

食呢方面,我地就係西貢的一間露天酒吧食all day breakfast. 那餐廳的情調浪漫,但跟全日早餐的主題好似唔多夾。食物水準不俗,但驚喜係見到06年港姐冠軍陳茵媺。佢笑容美麗親切,身材勁fit. 我會用sweet heart girl嚟形容佢,可惜我太膽小,沒有勇氣跟她來個合照!我只能說回憶總是美好的。晚餐則到了郭少芸的簡單廚房,以為水準跟朗豪坊的差不多,點知係出乎意料的好。3個菜包括海鮮天使麵,帶子及三文魚飯都很出色。唯一要彈的係service囉,好似係咁想吹你走。也許我還是記好的東西吧!

想不到我們三人能在將軍澳血拼成功,三人都係2小時內買到鞋及新衣。沒有約定下都能這麼合拍,好姊妹真係好姊妹。而且我仲有2個添,真的感謝神佛庇佑。講到神佛,其實今次聚會最主要目的係去蠔涌拜車公,順度祈求車公指點迷津。最後,我們都不約而同的求得上簽。祝願我們都能心願成就。

係完美的一天劃上向號前,還有一段小插曲跟大家分享。話說由西貢往寶林途中,有一位蒲友與其友人分享佢的夜蒲後感。本多佢講得大聲小小並不是什麼問題,但以下呢三句金句就真係引起我們三個的關註。

1 我都有要求架,送佢返我屋企
2 冇靚女我隻手唔識郁
3 我都唔知點解我咁勁

據我估計,那名男子正與友人分享佢夜蒲撈女的故事,可惜車上有老人和小孩,雖然故事引人入性(至少我地想知你有幾俊俏或有什麼過人之處)。但請顧及眾乘客之感受吧。香港還有很多人出街唔會帶隨身聽出外,無謂強暴我們的耳朵吧!

無論點都好,尋日呢個神婆血拼團就係一個愉快,差足正能量的氣氛下完成。熱烈期待4月份的聚會。

PS. Do, 希望下次見你,你會冇咁似埃及妖后啦。不過我勁鐘意你老公的反應,點解你搞成咁。Fa, 下次畫我個可唔可以唔好似紙紮呀? :p