Skip to content

東.思

請不必傷痛 請不必心酸 請把我默默思念

Category Archives: 女神

從Ipod傳來一首女神的紙醉金迷, 忽然讓我想起04在紅館欣賞佢聖誕跨年個唱!

或許我從來未係紅館欣賞過佢之前的個唱, 所以一直都有一種小學生去旅行的心態, 即未出發先興奮! 當第一首歌Phone殺傳響起, 的成晚便即時進入high爆狀態! 不論快歌慢歌, 我都high得很! 但由於同行的友人不是女神fans, 所以佢地係完全唔明點解我會係又嗌, 唔係又嗌! 當然事後跟同是女神fans的DU MEI分享, 才得到共嗚啦! 當年大家曾經約定當女神再開演唱會時, 一定要一齊入場! 雖然最後都冇成事, 但足以讓我們高興不已!

其實對我最深印象的, 一定係當年演唱會主題曲紙醉金迷!

其實首歌本身未必別係我最愛的, 但當時那個畫面, 金光閃閃! 真係好grand, 好elegant同令人完全投入好high的狀態! 不論同行的友人或同DU MEI分享, 大家都係有讚冇彈! 甚至有人同我講, 佢發夢都會夢見一大堆金色! 相信04年的紙醉金迷演唱會, 一定係一個我最喜愛的KELLY演唱會! 不過, 女神開始減產, 唔知幾時再會欣賞到佢係舞台上的風采呢? 更加唔知DU MEI同我當年之約定, 又唔會唔兌現呢? 但… 諗起都興奮!

其實我真係唔明, 明明9月先係中秋節, 但係7月就見到D月餅廣告? 呢D唔知係咪叫做時光飛逝或是光陰似箭呢?

雖然, 我一向都只會買X班的冰皮送禮或自用! 但係某品牌自08年開始, 換上我的女神做代言人後. 我就開始買此品牌自用了, 不過我都係覺得佢冇X班咁好食!

而我今日就係FB到搵到女神為X心月餅的廣告了, 可是點解係咁多個廣告入面, 女神全部都係出左鏡幾秒咁小架? 唔信? 有片為証!

軟嫩彈滑綿篇

芒果脆脆篇

魔鬼脆脆篇

有D失望囉! 同埋我接受唔到囉! 睇怕今年都係買返X班了!


自08年演唱會宣佈結婚後, 陳慧琳已經有接近2年無新唱片推出. 讓各fans等到頸都長後, 終於今年3月16號正式推出國語專輯-微光! (對上一次出國語碟已經係5年前的我是陽光的)

對於今次新碟, 點都有一定期望. 見到個封面, 的確幾突破, 因為KELLY多數係斯文地潮, 見到一個咁ROCK同WILD的形象,真係幾新鮮! 但我始於喜歡2000年花花宇宙同愛你愛的的封面多D,因為真係夠SIMPLE! 同埋影得佢最靚!(就算冇人認同我,我都仍然維持原判)

至於歌曲,今次以幸福為主題. 收錄左以下10首歌,

〈你讓我懂〉
我們以為自己對世界都有一定認知,對周遭的事都開始麻木。然而找到心靈同伴的一刻起,你已經改變了。風和雲變得實在,幸福與否有了新的體會。現在他走了,卻留下最珍貴的禮物給你,這一刻,你應該懂得了擁有過就是人生美好的一頁。

歌曲本身有D平淡, 作為track 1好似有D失色.

〈愛情天使的一面〉
愛情有兩張臉,一張是惡魔的陰暗面,教人只懂埋怨只懂流淚;愛情也有另一張臉,如天使的光明教人重新張開感恩的眼睛。愛人的離合不一定是痛苦的開端,成熟了,你會懂得找尋美好的天使一面。

唔多唔少都係因為睇左個MV在先, 所以愛上左!

〈快樂移動〉
呆坐太久會雙腿麻痺、肩膀疼痛、頭腦呆滯,縱使網路為你帶來全世界,卻分分钟使你自我封閉感官「當機」。這個時候,你需要愛自己多一點、提升快樂元素隨節奏移動。唏!你還等甚麼?

全碟唯一快歌, 但係同以前D hit爆快歌好有距離. 高音位好像唱得有D吃力

〈微光〉
人性最大的弱點就是質疑自己,問多了猜疑多了,身邊一切都變得不可能。然而幸福需要自己緊緊捉牢、保護。縱然它是一道微弱的光,只要你相信愛,相信你的他,微光也可照亮黑夜帶來溫暖。

第一次聽已留下深刻印象, 歌詞亦好正面! 不過感情可以再爆D, 好似早年首ASK個感覺會襯好多! 個人認為呢首做Track 1會好好多!

〈愛的學校〉
小孩子要跌要痛才賺回成長的一課,愛情又何嘗不是如此?甜酸苦辣都試過,就當上完一次又一次愛情的課,有你支持的笑容,總有一天,你和我會手牽手完成課程,美滿畢業。

旋律優美的一首歌, 但未去一聽難忘的地步

〈永遠的福氣〉
走進教堂許下承諾,似乎只是一個儀式。但你知道女生最渴望的不是這單純的儀式,而是背後的意義嗎?能夠為你起誓,為你肯定一生一世的跟隨,這份永遠,就是幸福的延續。

好能唱出首歌的意思, 個MV亦拍得非常SWEET! 可能我係男仔, 第一次聽有D毛管動!

〈雨天〉
灰灰的天、空空的街,心裡面又起波瀾。你來了,你走了,郁悶似黑雲來臨。然而雨天過後,陽光亦相繼而來。誰說下雨,不可singing in the rain?

繼微光後, 另一首會我一聽難忘的歌. 聽完會令人心情愉快, 相信會成為我在夏天常聽的作品.

〈現在進行式〉
沒有甚麼比愛情永遠處於「現在進行式」更幸福了!「不能因為太熟悉就松懈了愛的堅持…世界在變天天要准備…付出浪漫不停止」。愛的熱誠每天洋溢,誰也被你融化。

好適合KELLY唱的歌!

〈幸福的快車〉
都市人總嚷生活太寂寞,即使衣飾繁華飲食富足心靈仍然虛空。然而習慣無止境追求的你只要細心留意,會發現只要身邊人一個微笑、一個關愛動作,就可讓你登上快車,向幸運夢想飛馳。

Mickey Mouse主題曲, 初初聽會覺得有D娘. 不過聽聽下又覺得OK, 睇完個MV就愛上左!

〈望愛〉(譚詠麟、陳慧琳合唱)
傷心過、快樂過,都是造就今夜我和你靜享愛情花開結果的過程。我們不用再猜測、不用再流淚,緊握你的手,在這冬季,就是渴望你的愛。

係相愛維命的國語版, 依然都係果句, 如果唔係校長而係醫神, 個感覺會好好多!

整體而言, 不過不失, 4平8穩, 未見驚喜的專輯!
咁唔知又要等幾耐先再有下張碟呀? 女神!

人性最大的弱點就是質疑自己,問多了猜疑多了,身邊一切都變得不可能。
然而幸福需要自己緊緊捉牢、保護。
縱然它是一道微弱的光,只要你相信愛,相信你的他,微光也可照亮黑夜帶來溫暖。

係寒冷天氣下聽呢首新曲, 真有意思!
誠意推介陳慧琳最新派台作品-微光