Skip to content

東.思

請不必傷痛 請不必心酸 請把我默默思念

Category Archives: 係街食

記得以前讀中學時,放學會經過一間雪糕屋主打frozen yogurt. 夏天多數都會花二蚊加幣買返杯食下,當時就覺得好滿足!自從返左香港後,真係好少見到有froxen yogurt, 多數係雪糕,所以真係幾懷念那種唔係太甜又唔係太膩的質感及享受。一心以為只可以係楓葉國先食到的東西,今日都可以係香港食到了!

行經禮頓道時,被我發現了這家主打frozen yogurt的YOGO! 於是我亳不猶疑走進去,只需要幾個step就可以食到,幾方便!首先,從四款口味揀選一種,有原味、綠茶、士多啤梨及荔枝。再喺多種配料中挑選心水,可以係生果,也可係朱古力、粟米片、熊仔糖等!重點係unlimited choice. 最後上磅,埋單!咁就可以enjoy the yogurt!

我今次就簡左原味配以粟米片、熊仔糖、菠蘿、蒟蒻、士多啤梨同dark chocolate chip. 盛為28元正!

用28元就可以讓我忘記日間所有煩惱,心情回復正常,實在好抵!有機會的不妨試下,可況yougrt係唔會食肥人㗎!hehehehe……

廣告

有日行過先知fat burger已經靜悄悄地結業了,那時先發覺我也曾經因為盧覓雪在覓食天下介紹過,而去試食!那時我的食後感係,triple o甚至burger king都好食過佢,所以就一去冇回頭!係咪真係咁差呢?睇完你就明!

圖中見到的係一個signature burger, 加左5蚊的洋蔥圈、及加左30蚊的strawberry milkshake. 總共95元正,比Triple O貴大概十蚊set, 滿心歡喜以為會好好食啦,點知一食就出事…

個飽同一般嘉頓包飽冇分別,個patty一啲都唔juicy, 而且又薄,分分鐘薄過老麥classic漢堡飽!洋蔥圈沒什麼特別,奶昔跟一杯奶加左士多啤梨一樣,唔似其他milkshake咁rich. 直頭係物不乎所值,點可能會再返去比佢搵多我一次笨呢? 所以結業又真係一啲都surprise! 完!

如果郭姐唔係約左得飲下午茶, 又如果唔係大家都諗唔到係銅鑼灣世貿食乜, 我都唔會醒起去幫趁近住食街的喜喜冰室! 點解會諗住去幫趁? 咪就係因為佢夠新, 貪新鮮掛! 又或者比間舖頭的懷舊裝修所吸引吧! 總之坐低左後, 見到個menu又好似乜都想食咁.

image

到最後, 我就叫左個甜點, 栗子旦糕!

image

雖然外貌同一般栗子旦糕差唔多, 不過D栗子茸夠多, 而且夠滑又鬆軟! 都幾surprise係茶餐廳到食到D咁有質數的旦糕!

郭姐就叫左個炸雞脾沙律. 本來我都想叫架, 不過今日成點先食lunch, 而且又好似好heavy咁… 所以先冇叫! (不過都試左一點! 哈哈!)

image

雖然我冇叫到, 郭姐佢好有心機咁將舊雞脾起骨及切好一份份, 我先有幸試食, 比著我訧冇咁好心機啦! Anyway, 個雞脾幾入味, 個沙律就好接近我兒時所食的味道, 但郭姐話佢肯定落左煉奶! 可是我食唔出, 總之我覺得好食就得啦!

來到冰室, 點可能唔飲返杯奶茶先? 機於天氣太熱, 所以就每人就各自叫左杯凍奶茶.

image

諗住D食物唔錯, 咁杯奶茶都應該唔會太失望啦! 點知… 杯野淡到不得了 (given that杯中的冰係未溶的!) 杯野又唔夠茶味, 又唔夠奶味! 我以為只係我個標出事, 原來郭姐個杯都係咁. 而且仲要賣16蚊, 同等價錢倒不如去翠華啦!

到最後, 我只覺得環境及食物係唔錯, 不過2杯奶茶都令人失望, 所以整體都係覺得一般! 試過就算, 唔會特登走去食咁囉!

喜喜冰室
地址: 銅鑼灣京士頓街9號地下2B舖

打風同香港的夏天就好似畫左一個等號一樣, 年年都期待一個8號波可以有個day off咁! 就好似今次呢個康森咁, 個風仲係馬尼拉個陣, 就話有可能打到黎香港一樣. 結果咪又係false alarm, 打唔成之餘仲要吹到冇雷公咁遠添!

仲記得D老人家話, 打風唔成三日雨. 心諗如果係真既, 咪又浪費左個weekend囉! 不過今朝一起身, 居然見到個太陽喎! 真係開心死! 所以, 我地都係唔好成日complain, 多D感恩! 因為美好同幸福的事, 唔係必然的!

那麼, 我又應該點去享受下不用上班的日子呢? 正所謂辛苦搵黎至在食, 咁不如今日又去覓食天下啦! 睇到CNN GO的中文網站選出40種香港不能欠缺嘅美食, 例如臭豆腐、雞蛋仔、魚旦等… 但係我認為白粥、油炸鬼又點可以冇份架? 計我話, 香港又點可能欠缺呢10樣美食呢?

臭豆腐簡直係一個經典, 因為以前成日都見/食到! 不過, 依家就只有係太子或者灣仔先有得食! 以前D臭豆腐好似更臭更脆, 但係依家就…好似冇咁好食?

雞蛋仔, 以前我讀幼稚園, 家母成日都買比我食! 只要聽到阿媽買返黎, 我就開心到飛起! 到大個左, 一底雞蛋仔又點會令我開心到飛起呀! 但係北角的雞蛋仔又真係幾好食, 因為夠熱同脆口! 只不過次次都要排咁長隊, 有時都真係幾想放棄!

牛腩, 係近年的至愛! 無論大利或九記, 都食得我津津樂到! 不過, 我個人鍾意大利的清湯腩多D, 九記的咖哩腩就夠惹味!

魚旦時常令我口渴, 但我就偏愛上那濃烈刺激的鹹味, 極具性格 而無奈未可當正餐! 最近我就鍾意係7仔到吉魚旦, 貪方便掛! 不過, 味道同質感都唔錯的!

正所謂食包包食飽, 菠蘿包就係眾多包類當中脫穎而出! 而且變化多端, 早餐就來一個普通的菠蘿包, 或者紅豆菠蘿包! 下午茶道一個菠蘿油, 諗起都想食! 可惜, 一個菠蘿包又真係幾肥, 少食為妙!

冬天除左打邊爐, 煲仔飯又係我另一個飛佛! 不過以前細個係好唔鐘意架, 到大個先有開始欣賞! 或者係到我大個左先機會食飯焦掛! 😛

通常燒味飯都會係我正餐的一個不俗選擇, 夠經濟呀嗎! 剛回港只會去太與, 不過今時今日, 我比較鍾意灣仔的再興!

我相信食一碗靚白粥加油炸鬼, 就係一個美好早晨的開始! 所以係我個top 10上, 又點可以榜上無名呢? 以前就會去海皇, 但當我發覺屋企附近間粥舖仲好食過佢, 我就放棄左海皇了!

檀島蛋撻加杯熱奶茶, 真係一個非常理想的下午茶之選! 最重要的係, 檀島同我office咁近, 就算要蛇王下, 都好容易滿足到我! 😛

牛雜, 雖然都係一D少食為妙的東西, 不過由細吉到大, 係成長的一部份! 特別係牛肚, 牛柏葉真頭係最愛! 早排都寫過啦, 以前食牛雜就非常容易, 只要係街邊見到有小販就能方便的吉! 但街邊小販係近十年八載都已經十分罕見, 我還以為香港經已沒有吉牛雜的文化, 要食牛雜就要去賣牛腩粉的地方添. 所以, 真的要多謝十三座牛雜將呢種文化得以保存.

講咁耐, 我都口水流, 個肚打起鼓了! 係時候起錨覓食了, 下次再會! 請呀!

(承上日)

等下等下, 茱莉亦到達DB了! 即係話, 晚飯即將開始了… 經過Do Do細心的安排,我們去到Caramba旁邊的Zaks繼續白姐姐的生日飯局.

呢間餐廳真係好大, 仲有2層. 不過為左可以欣賞到海景及Disneyland的煙花, 我地選擇左2樓的雅座. 菜式方面, 就真係乜都有啦. 但我地都係主力簡左歐陸菜. 以下呢幾款賣相係將吸引, 唔知味道係點呢?

白酒煮青口 – 青口好大隻, 但好明顯係唔入味, 汁又唔夠. 似水煮過後, 搵D蒜蓉, 白酒炒下就算. 有D失望…

煙三文魚凱撒沙津 – 一大碟4個人分剛剛好, 賣相又好. D菜好脆口, 個魚就不過不失啦. 但係Caesar Salad咁易整, 如果連呢個都唔好食, 都真係唔駛返轉頭啦.

鮮茄海鮮意大利粉 – 不論賣相, 味道, 份量都係剛剛好. 但係個pasta就好似林左D, 仲有D青口都係淡而無味.

House Pizza – 足料! 燶燶地咁, 好食過Pizza Hut好多. 成晚最好食就係呢個大餅!

食完主菜, 傾下計, 影下相咁. 好快就到甜品時間… 本來食完D頭盤同主菜之後, 就會對甜品冇乜期望. 但係成晚最大的驚喜出現了… 因為D甜品真係好好食呀!

Chocolate Pudding同Cheese Cake, 單係賣相都已經令到壽星女開心死啦! 個人認為Cheese Cake好食D…

講到尾, 食物唔算突出, 但係情調氣氛一流, 又有煙花睇. 仲可以換免費船飛, 值回票價啦! 不過DB有咁多唔同食肆, 下次有機會都想試下其他餐廳. 🙂

我相信白姐姐應該好滿意我地幫佢安排的驚喜啦, 不過最驚喜的應該係我啦. 因為我食完呢餐之後, 我食滯左囉!

早在1個月前, Do同我都已經開始計劃如何替白姊妹賀壽. 經過一陣子的討論, 我們一致決定比個驚喜佢, 去一個我們甚少去的大嶼山愉景灣. 我們大約黃昏到達愉景灣, 為白姊妹展開一個快樂的生日會! 由於距離吃飯時間還有一段時間, 我們先到一間墨西哥餐廳飲杯野.


來到這家名為Caramba Mexican Cantina的餐廳, 又點唔試下佢地D Nachos先? 呢個vegetarian nachos幾好食架, 不過主角就覺得太辣, 所以食左小小就停手了. 於是, DO同我就唔停咁KO左呢碟Nachos. 由於份量都幾大, cheese又多, 食完個肚都真係幾頂!

那3杯凍飲, 我相信味道最正常的必定是orange juice. 我的Caramba Margarita就酸得似華梅汁, 藍色的Caramba of the month外觀確有心曠神怡的感覺, 但係味道就有點怪怪的. 雖然我們3人都幾怕熱, 但係黃昏過後又幾舒服, 所以我們最後都選擇了outdoor, 享受微微的陽光和涼風. 多得Do的悉心安排, 我才感覺到原來假日可以很寫意的哦!

席間, 白小姐送上她在家鄉搜購的小禮物! 唔知我的手信係D乜呢?

Paul Frank的鎖匙真的可愛得很, 我真唔捨得用哦! 那2包香口珠的香味怡人, 回到家中, 整個包包都充滿了生果的香味, 相信都應該非常味美的! 多謝白姐姐!

除左手信外, 她還分享了一些加國之旅的部份照片! 看見一些好耐冇見的朋友或者同學, 我只能說他們真係一D都冇變過, 直頭係一個不老的傳說. 從相片中, 我看見個個的笑容燦爛, 明顯地看得出一個個從心發出的親切笑容. 加上加國夏天的風景天氣, 同埋見到好友杜生間新居真係蔚唯其觀啦, 又有森林, 小橋流水等等! 真的希望有一天能回加/家一趟. 反正阿媽上次又開到口同我講, 佢會煮餐好野比我食, 我間房又冇租出去比人. 好! 就等我計劃下先.

等下等下, 茱莉亦到達DB了! 即係話, 晚飯即將開始了….

(明天待續晚飯的情境)

2010終於過左一半, 過去6個月實在發生左太多事啦. 正所謂新的一個月, 一切都有新的開始. 剛巧, 今日係回歸紀念日放假一天, 偏偏今日就酷熱天氣警告. 有人會選擇留係屋企涼冷氣, 有人會選擇去沙灘. 那麼我又如何渡過這個陽光普照的一天呢?

12點, 就上瑪麗探爸爸. 雖然已經一個月, 但係眼見佢已由ICU轉返出普通房, 情況亦慢慢穩定下來. 心都安落多啦! 只希望佢繼續安心休養, 早日康復! 探病過後, 我與朋友會合, 打算去參加7/1遊行.

正因為今日天氣酷熱, 我沒有係維園出發. 我只有係SOGO等候龍頭, 再由SOGO出發, 慢慢步向終點政府總部. 係SOGO期間, 我突然想食雪糕, 於是就走去地庫的MILKTOP, 食返個近期最愛的紅酒雪糕. 其實除左紅酒味外, 我都幾鍾意栗子味架! 大家有機會都記得去試下啦!

好啦, 終於出發啦! 途中見到唔少熟悉我面孔, 例如毛姐, 大舊, 長毛, 梁家傑. 可惜, 行左全程都見唔到我鍾愛的Tanya及Audrey, 有D失望. 但係唔緊要啦, 反正我去遊行都唔係為左見政壇明星架啦. 唔知大家見到以下呢張相, 又會諗起D乜呢?

image

以為我會一氣呵成由銅鑼灣行到中環? 咁又未必. 皆因我們一行4人行到灣仔, 想飲奶茶. 所以就去奶茶達人推薦的華星冰室飲啖茶, 再上路.
image

雖然唔算太肚餓, 但係這個火腿炒蛋加厚多士賣相幾吸引. 個炒蛋好似好好食咁, 但係因為晏畫姑姐的自家炒米粉加湯水, 午餐撈檬粉. 真係食唔落啦! 不過見到佢我就諗起佐敦澳洲牛奶了, 唔知又有冇得fight呢? 有機會真係要去試下先得.
image

埋單找數又會咁巧合係71蚊既?

係食野其間發現左呢張巨型海報, 雖然買唔到飛入場睇. 但係DUO演唱會已經出左DVD, 假如行開CD舖就會買黎補返數!
image

明天就係7月的第一個工作天, 希望呢個月會有個新開始, 事事順利. 每朝都係晴朗的一天出發, 因為6月實在落得太多雨啦!