Skip to content

東.思

請不必傷痛 請不必心酸 請把我默默思念

十一月二十號,距離我本年度生日剛好剩下一個月!假如要我答大家,生日有什麼好期待,我只好說因為今年係我這麼多年來,最多驚喜,大上大落的一年。沒有這些經歷,可能我還是像以往一樣,遊魂般的做緊一些以為好開心快樂的事!但其實我一點都不快樂,甚至用迷失來形容!忽然間,我覺得從前像白活一樣!不知點算好…

我以為有份自己鐘意嘅工,日日返工,從白紙一張,到今日仍然享受個中的苦與樂 !由人見人鬧,到今日有人知我有努力過,進步過等等… 雖然好辛苦,辛苦得差點想放棄,幸好我還有一份斗心,心口寫個勇字向前衝,衝到今時今日,實在係我始料不及!但我發覺每半年一次猶如小學生期考派成績表的renewal, 真係好痛苦!痛苦在於你除左等,你真係無特別嘢可以做!仲要扮到自己好有信心一定冇事過到關咁,夜闌人靜時又要諗出事咁點呢?我又唔敢同屋企人講怕人擔心而且仲要好瀟灑咁安慰返佢地轉頭,呢種滋味真係好難受!出面個市好就話東家唔打打西家,最可惜間間行都炒人,點搞先?好彩啱啱嗰次就好好彩搞得掂,但係我依家已經諗四月點呢?唯有希望一路有傾開的project有一點眉目,起碼知道條路可以點行吧!

曾經有時候,我很喜歡在空閒時常搵下朋友見面,但人越大,大家都有各自的家庭理想。於是,我唔敢成日走去見佢地,有時連打電話比佢地,因為我真係怕打擾到佢地。於是我就有空就收埋自己,寧願自己一個人行街、覓食、買野…到最後以為自己好滿足,其實我先係空虛寂寞嗰堆朋友。就算自己有幾開心同唔開心,都寧願一個人撐!到何年何日,有人問自己近況才輕描淡寫的報導!換到的只有一句你好勇敢或者比著我就唔得等等的所謂讚美,其實為乜?為左係其他心目中得到一個佢長大左、佢好獨立、佢好堅淨的形象?我真係唔知!

直到最近,有個大哥哥發現左我的一切一切,我先晃然大晤!人一生只有短短數十年,與其白白浪費光陰在擔心呢樣嗰樣,倒不如享受我熱愛的工作、像以往一樣有返正常社交、繼續做個喺朋友眼中的開心果吧!可惜這個覺悟可能真係來得太遲了,假如十二月二十一真係世界末日咁點呀?唉…

所以,我今年生日願望只有一個,就係世界唔好末日住,比個機會我從新出發,搵返自己!假如你地仲有耐性睇到呢度,多謝你地同埋祝福我願望成真吧!阿門!

廣告

以前會好鍾意睇D乜乜頒獎典禮, 但係由唔知由幾時開始, 我已經放棄了. 原因係造馬造得太明顯了. 但要選十大金曲, 以下呢十首定必榜上有名!

排名不分先後!

Get Over You – 鄧紫棋

曾經係屋企日播夜播, 因為想對某人某事徹底忘記! 最終, 當然做得到!

鋼鐵是怎樣煉成的 – 何韻詩

某程度係我覺得好辛苦, 好想放棄自己的時候, 呢首歌絕對係我首選!

無人之境 – 陳奕迅

無原因, D詞好到! 勁有同感!

罪人 – 李克勤

聽完會令我諗起曾經發生的一段愛情,兩個故事;愛人被愛,三人受罪? 更令我相信我當年唔再做第三者的決定正確!

講男講女- 陳奕迅 /露雲娜

通精D upbeat歌都會引起我注意, 何況多左一個曾經好熟悉的靚聲! 點會係我屋企日播夜播呢?

Water Of Love – 鄭秀文

好氣勢加上SAMMI, 自然成為my favorite之一!

一步一步愛 – 鄭秀文/陳奐仁

夏天的消暑歌曲, 更令我相信真愛係會出現的!

無如果 – Swing

好有回到80/90年代的感覺, 更欣賞詞中的那種就算死也愛著你,二人永不分離感覺!

斗零踭 – 楊千嬅

2010絕對係千嬅回歸強勢的一年, 電影演唱會大賣, 連D歌都唔再boring! 呢首歌, 應該度出不少少女變成女人的心聲!

珊瑚島 – 官恩娜

無得解, 因為係我最down最煩的時候, 呢首歌令我有舒緩的作用!

唔知大家的選擇同我有冇出入呢? Anyway新一年開始, 祝大家事事如意, 身體健康!

某年的十二月二十日九時許,一名中國藉女子誕下一個男嬰。原本是一件開心的事,但意想不到的,這名女子卻換來連聲的責罵,原因不詳!可是,這女子沒有因為咁而憎恨這男嬰,反而將她最好的東西送給他。多年來對他不離不棄,無論她的兒子有多可愛、頑皮、激心等,仲悉心將他養大成人!不論她的兒子有任何決定,她都默默支持,毫無怨言!開心與不開心,都一直寄語祝福及鼓勵!這個女子,就是我的媽媽,那男嬰便是今日已經三十有一的我!

今日我生日,雖然妳遠在多倫多,我在香港!但我依然想講一聲無言感激!希望妳會繼續健康快樂,能夠讓我陪你多一點!而我亦會繼續努力好好生活,無論順境逆境,我都會記得妳講過的do you see the sun shining?

多謝媽咪, 多年來用你未來換我未來!還有請原諒這些年來不在妳身邊的日子… 送給妳的只有憑歌寄意,請笑納!

多年前,差不多十數年前,我遇上一位女子!好似同樣係十一月,因為學校choir要出外表演,在回程的路上,我和這位女子慢慢聊上,之後我們就成為了好朋友。直到今時今日,我們依然是好朋友,但感覺已昇華到像親人一般的友好!自問我眞係冇諗過當日以為吹下水的對象,竟會成為一個會時常吃喝玩樂、打啡談心、甚至在我無家可歸時收留我、在我被嚇到六神無主時給我無限支持的人!

哀心的感謝你!亦祝福你繼續美麗、像玫瑰盛放一樣燦爛!生日快樂,準索博士!

呢首都應該算係屬於我們的主題曲了! 當然, 想講的又個只咁少呀? 但在心中啦! 十一月會係你最忙的日子, 相信要見都應該係十二月了! 所以, 我們繼續保持聯絡, 唔好失蹤啦! 加油!

見到個標題, 你好有可態係個心度講, 關你乜事? 甚至關你乜X野事? 但如果你睇到以下來自報導, 你就會明!

From 蘋果動新聞, (Nov 7, 12:29)

「你對自己的性生活是否滿意?」這條題目沒有色情成份,因為是四川省昨日舉行公務員考試的題目。

這次公務員考試期有 1,921,238人爭奪 8,000多個崗位,考生們憶述這次共有 399條是非,其中有約 6-7條題目,關於性的問題,不少考生都大惑不解,質疑性生活滿足與否,與當公務員之職有何關係。

有考生就估計,這應是用來測謊,因為全卷 400題要在 1小時內答完,根本沒有餘時間思量,這些另類問題就是要看是否有講大話。

假如我是那些考生, 我諗我會咁答!

我對我的性生活很不滿意, 因為我時常感覺到我就像自己跟自己結了婚一樣! 一段健康正常的婚姻, 有2個人的性生活才能稱得上完整! 試問每晚都是自己和自己洞房的性生活, 又甚能讓我滿意呢? 我還是努力地工作, 或許我能找到更大的滿足感吧!

難度依家想搵份工做, 除左你要有能力, 才華, 個性, 懂得如何隨機應變外, 還需要這麼毫無保留的將自己最私隱的一面表現出來?
還是世界變了??

當我今朝買咖啡,見到以下呢個杯,我突然間想起我的一眾好友!

睇嚟我係時候主動的搵班好友、姊妹出嚟聯誼下了!:)

從Ipod傳來一首女神的紙醉金迷, 忽然讓我想起04在紅館欣賞佢聖誕跨年個唱!

或許我從來未係紅館欣賞過佢之前的個唱, 所以一直都有一種小學生去旅行的心態, 即未出發先興奮! 當第一首歌Phone殺傳響起, 的成晚便即時進入high爆狀態! 不論快歌慢歌, 我都high得很! 但由於同行的友人不是女神fans, 所以佢地係完全唔明點解我會係又嗌, 唔係又嗌! 當然事後跟同是女神fans的DU MEI分享, 才得到共嗚啦! 當年大家曾經約定當女神再開演唱會時, 一定要一齊入場! 雖然最後都冇成事, 但足以讓我們高興不已!

其實對我最深印象的, 一定係當年演唱會主題曲紙醉金迷!

其實首歌本身未必別係我最愛的, 但當時那個畫面, 金光閃閃! 真係好grand, 好elegant同令人完全投入好high的狀態! 不論同行的友人或同DU MEI分享, 大家都係有讚冇彈! 甚至有人同我講, 佢發夢都會夢見一大堆金色! 相信04年的紙醉金迷演唱會, 一定係一個我最喜愛的KELLY演唱會! 不過, 女神開始減產, 唔知幾時再會欣賞到佢係舞台上的風采呢? 更加唔知DU MEI同我當年之約定, 又唔會唔兌現呢? 但… 諗起都興奮!